मोहाली: भारतीय संघाचा कर्णधार विराट कोहलीची मैदानावरची चपळाई नेहमीच लक्ष्यवेधी ठरते. आज दक्षिण आफ्रिकेविरुद्ध टी-२० सामन्यात विराटने तर कमालच केली. नवदीप सैनीच्या गोलंदाजीवर विराटने पाहुण्या संघाचा कर्णधार क्विंटन डी कॉकचा अफलातून झेल टिपला. अर्धशतक झळकावून खेळत असलेल्या डी कॉकला विराटच्या चपळ क्षेत्ररक्षणामुळे माघारी जावे लागले. या झेलचं ट्विटरवर तोंडभरून कौतुक करत बीसीसीआयने विराटला 'सुपरमॅन'ची उपमा दिली आहे.
भारत आणि दक्षिण आफ्रिका यांच्यात तीन सामन्यांची टी-२० मालिका होत आहे. या मालिकेतील पहिला सामना धरमशाला येथे होता. मात्र पावसामुळे हा सामना रद्द करावा लागला. मालिकेतील दुसरा सामना आज मोहाली येथे सुरू असून पहिल्या १० षटकांत जवळपास ८च्या सरासरीने धावा करणाऱ्या पाहुण्या संघाला चपळ क्षेत्ररक्षण आणि शेवटच्या षटकांतील भेदक माऱ्यामुळे भारताने १४९ धावांवर रोखले आहे. यात कर्णधार विराट कोहलीने टिपलेला झेल डोळ्यांचे पारणे फेडणारा ठरला.
सैनीने टाकलेल्या बाराव्या षटकातील दुसऱ्या चेंडूवर डी कॉकचा झेल उडाला. डी कॉकचा मिड विकेटच्या वरून फटका मारण्याचा प्रयत्न होता मात्र बॅटवर बॉल व्यवस्थित आला नाही. गोलंदाजाच्या मागे ऑफ साइडला झेल उडाला. विराट मिड-ऑफला उभा होता. त्याने डाव्या बाजूला वेगाने धावत जात सूर मारत हा अशक्यप्राय वाटणारा झेल सहज टिपला. या झेलवर मग जोरदार सेलिब्रेशनही झालं.
भारत आणि दक्षिण आफ्रिका यांच्यात तीन सामन्यांची टी-२० मालिका होत आहे. या मालिकेतील पहिला सामना धरमशाला येथे होता. मात्र पावसामुळे हा सामना रद्द करावा लागला. मालिकेतील दुसरा सामना आज मोहाली येथे सुरू असून पहिल्या १० षटकांत जवळपास ८च्या सरासरीने धावा करणाऱ्या पाहुण्या संघाला चपळ क्षेत्ररक्षण आणि शेवटच्या षटकांतील भेदक माऱ्यामुळे भारताने १४९ धावांवर रोखले आहे. यात कर्णधार विराट कोहलीने टिपलेला झेल डोळ्यांचे पारणे फेडणारा ठरला.
सैनीने टाकलेल्या बाराव्या षटकातील दुसऱ्या चेंडूवर डी कॉकचा झेल उडाला. डी कॉकचा मिड विकेटच्या वरून फटका मारण्याचा प्रयत्न होता मात्र बॅटवर बॉल व्यवस्थित आला नाही. गोलंदाजाच्या मागे ऑफ साइडला झेल उडाला. विराट मिड-ऑफला उभा होता. त्याने डाव्या बाजूला वेगाने धावत जात सूर मारत हा अशक्यप्राय वाटणारा झेल सहज टिपला. या झेलवर मग जोरदार सेलिब्रेशनही झालं.