IND vs SL: उद्यापासून सुरु होणारे टी-२० सामने कुठे लाईव्ह पाहता येणार, वाचा सविस्तर माहिती

मुंबई: भारताविरुद्धच्या मर्यादित षटकांच्या मालिकेसाठी श्रीलंकेचा संघ मुंबईत पोहोचला आहे. २०२३ मध्ये टीम इंडियाची ही पहिली मालिका आणि पहिला आंतरराष्ट्रीय सामना असेल. अशा स्थितीत भारतीय संघ या नव्या वर्षाची सुरुवात विजयाने करण्याचा प्रयत्न करेल. भारत आणि श्रीलंका यांच्यात तीन एकदिवसीय आणि तितक्या टी-२० सामन्यांची मालिका खेळवली जाणार आहे. जाणून घेऊया भारत-श्रीलंका टी-२० सामने लाईव्ह कुठे पाहता येणार.

हार्दिक पांड्याच्या नेतृत्वाखाली भारतीय संघ नवीन वर्षाची सुरुवात करणार आहे. भारत आणि श्रीलंका यांच्यातील ३ टी-२० सामन्यांच्या मालिकेला मंगळवारपासून सुरुवात होणार आहे. उभय संघांमधील पहिला सामना मुंबईच्या वानखेडे स्टेडियमवर होणार आहे. रोहित शर्मा, विराट कोहली यांच्या अनुपस्थितीत पुन्हा एकदा पांड्यावर मोठी जबाबदारी आली आहे. पांड्याच्या नेतृत्वाखाली भारताने न्यूझीलंडविरुद्धची शेवटची टी-२० मालिका जिंकली होती. यावेळी भारताचा सामना आशिया कपमधील चॅम्पियन संघाशी होणार आहे, जो सध्या फॉर्मात आहे.

श्रीलंकेचा संघ प्रीमियर लीग खेळल्यानंतर भारतात येत आहे. लीगमध्ये चांगली कामगिरी करणाऱ्या खेळाडूंचा संघात समावेश आहे. तर भारताने आपल्या सिनियर खेळाडूंना विश्रांती देऊन युवा संघ निवडला आहे. पांड्या कर्णधार असेल तर सूर्यकुमार यादव उपकर्णधारपद सांभाळेल.

सामना कधी, कुठे आणि कसा बघायचा

भारत आणि श्रीलंका यांच्यातील टी-२० मालिकेतील पहिला सामना कधी होणार?
भारत आणि श्रीलंका यांच्यातील टी-२० मालिकेतील पहिला सामना मंगळवारी ३ जानेवारी रोजी होणार आहे.

भारत आणि श्रीलंका यांच्यातील टी-२० मालिकेतील पहिला सामना कुठे होणार आहे?
भारत आणि श्रीलंका यांच्यातील टी-२० मालिकेतील पहिला सामना मुंबईतील वानखेडे क्रिकेट स्टेडियमवर होणार आहे.

भारत आणि श्रीलंका यांच्यातील टी-२० मालिकेतील पहिला सामना कधी सुरू होईल?
भारत आणि श्रीलंका यांच्यातील टी-20 मालिकेतील पहिला सामना संध्याकाळी ७ वाजता सुरू होईल, नाणेफेक संध्याकाळी ६.३० वाजता होईल.

भारत आणि श्रीलंका यांच्यातील टी-२० मालिकेतील पहिल्या सामन्याचे थेट प्रक्षेपण कोठे होईल?
भारत आणि श्रीलंका यांच्यातील टी-२० मालिकेतील पहिल्या सामन्याचे थेट प्रक्षेपण स्टार स्पोर्ट्स नेटवर्कवर केले जाईल.

भारत आणि श्रीलंका यांच्यातील टी-२० मालिकेतील पहिल्या सामन्याचे लाईव्ह स्ट्रिमिंग कुठे होणार?
भारत आणि श्रीलंका यांच्यातील टी-२० मालिकेतील पहिल्या सामन्याचे थेट प्रसारण डिस्ने हॉटस्टारवर होणार आहे. तर महाराष्ट्र टाइम्स ऑनलाईनवर या सामन्याचे लाईव्ह अपडेट्स देखील वाचू शकता.