लॉकडाऊन: हार्दिक आणि नताशाचं 'हे' चाललंय

सध्याच्या घडीला भारतामध्ये लॉकाऊन करण्यात आले आहे. त्यामुळे कोणालाही संचारबंदीच्या काळात बाहेर जाता येत नाही. भारताचा अष्टपैलू क्रिकेटपटू हार्दिक पंड्याने काही दिवसांपूर्वी गर्लफ्रेंड सर्बियन मॉडेल-अभिनेत्री नताशा स्टॅन्कोविकबरोबर साखरपुडा केला होता. पण सध्या लॉकडाऊनच्या काळात ते दोघे नेमकं काय करत आहेत, जाणून घेऊया...

सध्याच्या घडीला हार्दिक आणि नताशा हे एकत्र राहत आहेत. लॉकडाऊन असल्यामुळे त्यांना घराबाहेर फिरता येत नाही. त्याचबरोबर या दोघांचे लग्नही या कालावधीमध्ये होणार होते, अशी चर्चा होती. पण लॉकडाऊनमुळे मात्र त्यांचे लग्न लांबणीवर पडले आहे, अशी चर्चा क्रिकेट जगतामध्ये सुरु आहे.

टीम इंडियाचा अष्टपैलू खेळाडू हार्दिक पंड्या आणि सर्बियन मॉडेल-अभिनेत्री नताशा स्टॅन्कोविक यांचा साखरपुडा झाला. साखरपुडा झाल्याचं हार्दिकनं सोशल मीडियावरून जाहीर केलं होतं. त्यामुळे बऱ्याच जणांना धक्काही बसला होता. भारतीय संघातील काही खेळाडूंनाही याबाबत काहीच माहिती नव्हती. जेव्हा हार्दिकने सोशल मीडियावर याबाबत माहिती दिली तेव्हा सर्वांना ही गोष्ट समजली होती. त्यामुळे सध्याच्या घडीला हार्दिक आणि नताशा लॉकडाऊनच्या काळात नेमके काय करत आहेत, याची उत्सुकता त्यांच्या चाहत्यांना आहे.
लॉकडाऊनमध्ये नताशाने हार्दिकला एक सरप्राईज दिले आहे. नताशाने हार्दिकसाठी खास केक बनवला आहे. हा केक बनवत असतानाचा व्हिडीओ काढण्यात आला होता आणि हा व्हिडीओ सध्याच्या घडीला चांगलाच व्हायरल झालेला पाहायला मिळत आहे. काही दिवसांपूर्वी या दोघांचा अजून एक व्हिडीओ व्हायरल झाला होता. त्यचाबरोबर लॉकडाऊनच्या काळात हार्दिक आणि त्याचा भाऊ कृणाल यांचाही घरात क्रिकेट खेळत असतानाचा व्हिडीओ व्हायरल झाला होता.

सर्बियामध्ये जन्मलेल्या नताशानं वयाच्या तिसऱ्या वर्षी नृत्य शिकायला सुरुवात केली होती. १७ व्या वर्षी तिनं मॉडर्न स्कूल ऑफ बॅलेमध्ये प्रवेश घेतला. २०१०मध्ये मिस स्पोर्ट्स सर्बियाचा पुरस्कार जिंकल्यानंतर अभिनय आणि नृत्य यात करिअर करण्याचा निर्णय घेतला. हेच स्वप्न पूर्ण करण्यासाठी तिनं २०१२मध्ये बॉलिवूडमध्ये पाऊल ठेवलं. बिग बॉसच्या आठव्या पर्वातून तिला खरी ओळख मिळाली.