नवी दिल्ली : भल्याभल्या गोलंदाजांना 'अस्मान' दाखवणारा भारतीय क्रिकेट संघातील उभारता सितारा ऋषभ पंतचा आज सकाळी दुर्दैवी अपघात झालाय. दिल्ली देहराडून रस्त्यावर कारवरील नियंत्रण सुटल्याने त्याची कार दुभाजकाला धडकली. नंतर गाडीने पेट घेतला. अपघात एवढा भीषण होता की रिषभची कार पूर्णत: जळून खाक झालीये. या अपघातातून ऋषभ कसाबसा वाचला. पण यादरम्यान तो गंभीररित्या जखमी झालाय. त्याच्या हाता-पायाला, डोक्याला आणि पाठीला गंभीर जखमा झाल्यात. त्याला अपघात स्थळाजवळील एका रुग्णालयात दाखल करण्यात आलं होतं. या थरारक अपघाताचं CCTV फुटेज समोर आलं आहे. नारसन बॉर्डरजवळ सकाळी साडे पाच वाजताच्या दरम्यान ऋषभच्या मर्सिडीज कारचा अपघात झाला. रुरकी येथील हॉस्पिटमध्ये त्याला भरती करण्यात आलंय. डॉक्टर त्याच्यावर उपचार करत आहेत. मुख्यमंत्री पुष्करसिंग धामी यांनी जातीने लक्ष घालून डॉक्टरांना उपचारासंदर्भात योग्य त्या सूचना दिलेल्या आहेत तसेच ऋषभवरील उपचाराचा सगळा खर्च उत्तराखंड सरकार करेल, अशी घोषणाही केली आहे.
ऋषभच्या CCTV फुटेजमध्ये काय?
CCTV फुटेजनुसार, ऋषभ पंत हाच स्वत: गाडी चालवत होता. झोपेत असल्यामुळे त्याचे गाडीवरील नियंत्रण सुटले. त्यानंतर गाडी रस्त्यावरील लोखंडी रेलिंग तोडून दुभाजकावर जोरात आदळली. यादरम्यान कित्येक वेळा गाडीने पलटी मारल्या. गाडीने रेलिंगला जोरदार धडक दिल्याने कारला आग लागली. कारचा बोनेटसह पुढचा भाग पूर्णपणे जळून खाक झाला आहे. मात्र, ऋषभ पंतने वेळीच गाडीच्या खिडकीतून बाहेर उडी मारली आणि त्याचा जीव थोडक्यात वाचला.
कपाळातून रक्त, पाठीवर जखमा, हातापायाला गंभीर दुखापत
ऋषभ पंतच्या कार अपघाताचे अनेक फोटो आणि व्हीडिओ समोर आले आहेत. या अपघातात ऋषभ पंत गंभीर जखमी झाला आहे. त्याच्या पाठीवर खोलवर जखमा आहेत. त्याच्या पायाला गंभीर दुखापत झाल्याचे डॉक्टरांचे म्हणणे आहे. त्याच्यावर प्लास्टिक सर्जरी करण्याबाबतचे अपडेट देखील समोर येत आहेत.
नेमकं काय घडलं?
पोलिसांनी दिलेल्या माहितीनुसार, रुरकी येथील नारसन परिसरात ऋषभ पंत याचे गाडीवरील नियंत्रण सुटले. त्यामुळे कार रेलिंग आणि खांब तोडून उलटी झाली. यानंतर कारला आग लागली. काही स्थानिकांनी ही आग कशीबशी विझवली. त्यानंतर जखमी अवस्थेतील ऋषभ पंत याला रुग्णालयात दाखल करण्यात आले. ऋषभ पंत याच्या डोक्याला आणि हातापायाला गंभीर दुखापत झाल्याची माहिती आहे. सध्या ऋषभ पंतची प्रकृती स्थिर आहे, अशी माहिती डॉक्टरांनी दिली.
ऋषभच्या CCTV फुटेजमध्ये काय?
CCTV फुटेजनुसार, ऋषभ पंत हाच स्वत: गाडी चालवत होता. झोपेत असल्यामुळे त्याचे गाडीवरील नियंत्रण सुटले. त्यानंतर गाडी रस्त्यावरील लोखंडी रेलिंग तोडून दुभाजकावर जोरात आदळली. यादरम्यान कित्येक वेळा गाडीने पलटी मारल्या. गाडीने रेलिंगला जोरदार धडक दिल्याने कारला आग लागली. कारचा बोनेटसह पुढचा भाग पूर्णपणे जळून खाक झाला आहे. मात्र, ऋषभ पंतने वेळीच गाडीच्या खिडकीतून बाहेर उडी मारली आणि त्याचा जीव थोडक्यात वाचला.
कपाळातून रक्त, पाठीवर जखमा, हातापायाला गंभीर दुखापत
ऋषभ पंतच्या कार अपघाताचे अनेक फोटो आणि व्हीडिओ समोर आले आहेत. या अपघातात ऋषभ पंत गंभीर जखमी झाला आहे. त्याच्या पाठीवर खोलवर जखमा आहेत. त्याच्या पायाला गंभीर दुखापत झाल्याचे डॉक्टरांचे म्हणणे आहे. त्याच्यावर प्लास्टिक सर्जरी करण्याबाबतचे अपडेट देखील समोर येत आहेत.
नेमकं काय घडलं?
पोलिसांनी दिलेल्या माहितीनुसार, रुरकी येथील नारसन परिसरात ऋषभ पंत याचे गाडीवरील नियंत्रण सुटले. त्यामुळे कार रेलिंग आणि खांब तोडून उलटी झाली. यानंतर कारला आग लागली. काही स्थानिकांनी ही आग कशीबशी विझवली. त्यानंतर जखमी अवस्थेतील ऋषभ पंत याला रुग्णालयात दाखल करण्यात आले. ऋषभ पंत याच्या डोक्याला आणि हातापायाला गंभीर दुखापत झाल्याची माहिती आहे. सध्या ऋषभ पंतची प्रकृती स्थिर आहे, अशी माहिती डॉक्टरांनी दिली.