भारताचा विक्रमवीर खेळाडू करणार बांगलादेशला मदत, सांभाळणार मोठी जबाबदारी

ढाका: भारताचा माजी क्रिकेटपटू वासीम जाफर (wasim jaffer) लवकरच बांगलादेश क्रिकेट बोर्डा (Bangladesh Cricket Board)शी जोडला जाणार आहे. बीसीबीच्या गेम डेव्हलपमेंट विंगमध्ये सोबत जाफर काम करणार असल्याचे वृत्त समोर येत आहे.

जाफरने याआधी २०१९ मध्ये काही महिने मीरपूर येथे बीसीबीच्या अकादमीत फलंदाजीचा सल्लागार म्हणून काम केले होते. तेव्हा त्याने १६ वर्षाखालील आणि १९ वर्षाखालील खेळाडूंना मार्गदर्शन केले होते. आता तो गेम डेव्हलेपमेंट विंगशी जोडला जाणार आहे. या दरम्यान जफार १९ वर्षाखालील संघासोबत बांगलादेशच्या हाय फरफॉर्मेंस सेंटरमध्ये काम करणार आहे.

वाचा- धोनीमुळे वनडेतून निवृत्ती घेणार होतो; सचिन नसता तर...; १४ वर्षानंतर झाला मोठा खुलासा

४४ वर्षीय जाफर काही महिन्यांपूर्वी ओडिसाच्या सिनिअर क्रिकेट संघाचा मुख्य कोच होता. जुलै २०२१ ओडिसा क्रिकेट असोसिएशनने दोन वर्षासाठी करारबद्ध केले होते. त्यानंतर मार्च २०२० मध्ये जाफरची उत्तराखंडच्या मुख्य कोच म्हणून निवड केली होती. मात्र मतभेदामुळे त्यांनी पदाचा राजीनामा दिला होता. जाफर आयपीएलमध्ये पंजाब किंग्ज सोबत २०१९ ते २०२१ या काळात फलंदाजीचा सल्लागार होता.

वाचा- लग्नासाठी घोड्यावरून आला भारतीय क्रिकेटपटू; पाहा दीपक आणि जया यांच्या लग्नाचे फोटो

दोन दशक क्रिकेट घेणाऱ्या जाफरनने रणजी ट्रॉफीत सर्वाधिक १५६ सामने खेळले आहेत. भारताकडून जाफरने ३१ कसोटी ३४.१०च्या सरासरीने १ हजार ९४४ धावा केल्या आहेत. यात ५ शतकांचा समावेश आहे. सुनील गावस्कर, सचिन तेंडुलकर, राहुल द्रविड आणि व्हीव्हीएस लक्ष्मण यांच्यानंतर प्रथम श्रेणीत सर्वाधिक धावा करणाऱ्यांमध्ये जाफरचा क्रमांक लागतो.

वाचा-India vs South Africa T20: टीम इंडिया विश्वविक्रमाच्या उंबरठ्यावर; पहिल्या टी-२०...