लंडन : भारताच्या सराव सामन्यात कालपासून काही नकोश्या गोष्टी घडत असल्याचे पाहायला मिळत आहे. आज तर भारताचा वेगवान गोलंदाज मोहम्मद शमीने चेतेश्वर पुजाराबरोबर गैरवर्तन केल्याचे पाहायला मिळाले आहे. शमीने या सराव सामन्यात पुजाराला बाद केले आणि त्यानंतर सेलिब्रेशन करण्याच्या नादात गैरवर्तन केल्याचे आता समोर आले आहे. शमीहा हा व्हिडिओ आता क्रिकेट विश्वात चांगलाच व्हायरल झाला आहे.
नेमकं घडलं तरी काय, जाणून घ्या...
भारत आणि लिसेस्टरशायर यांच्यामध्ये सध्याच्या घडीला सराव सामना सुरु आहे. या सराव सामन्यात पुजारासह भारताचे काही खेळाडू हे लिसेस्टरशायरच्या संघात खेळत आहेत. पुजारा आज लिसेस्टरशायरकडून खेळताना फलंदाजीसाठी उतरला होता. पण यावेळी पुजाराला भोपळाही फोडता आला नाही. भारताचा वेगवान गोलंदाज मोहम्मद शमीने त्याला क्लीन बोल्ड केले. त्यानंतर शमीने जोरदार सेलिब्रएशन केले. पण हे सेलिब्रेशन करत असताना शमीचचा तोल गेल्याचे पाहायला मिळाले. शमीने यावेळी पुजाच्या विकेटटनंतर सेलिब्रेशन करायाला सुरुवात केली आणि त्यानंतर तो धावत पुजाराच्या जवळ गेला. त्यानंतर त्याने पुजराच्या खांद्यावर हात ठेवत त्याला डिवचण्याचा प्रयत्न केला. एकतर पुजारा हा चांगल्या फॉर्मात नाही आणि या सामन्यात तर तो भोपळाही फोडू शकला नाही. त्यामुळे पुजारा यावेळी निराश झाला होता. पुजारा निराश असताना त्याला जाऊन डिवचण्याचा प्रकार हा शमीने केल्याचे पाहायला मिळत आहे. हा सराव सामना असला हे मान्य जरी असलं तरी या लढतीला काही तरी अर्थ नक्कीच असतो. सराव सामन्यांमधून खेळाडूंचा फॉर्म पाहिला जातो आणि त्यांना संधी दिली जाते. पण पुजारासाठी यानंतरचा मार्ग सोपा नक्कीच नसेल. एक तर पुजारा हा संघाबाहेर होता. या दौऱ्यात त्याला संघात स्थान देण्यात आले. पण सराव सामन्यात खेळत असताना पुजारा पुन्हा एकदा अपयशी ठरल्याचे पाहायला मिळाले. भारतीय कसोटी संघात आता जोरदार स्पर्धा आहे. त्यामुळे जर पुजारा फॉर्मात नसेल तर त्याला संधी देण्याच येणार नाही. त्यामुळे आता पुजाराला संधी मिळणार की नाही, याकडे सर्वांचे लक्ष लागलेले असेल.
नेमकं घडलं तरी काय, जाणून घ्या...