पहिला T 20 सामना भारत का जिंकणार, सामन्यापूर्वीच मिळाली होती टीम इंडियाला गुड न्यूज

रांची : भारताने पहिल्या सामन्याचा टॉस जिंकला आणि त्यानंतर आता भारतीय संघासाठी एक गुड न्यूज आली आहे. टॉस जिंकल्यावर हार्दिकने दोन गोष्टी सांगितल्या आणि त्यानंतर भारतीय संघ हा सामना का जिंकू शकतो, हे स्पष्ट झाले.

दोन्ही कर्णधार यावेळी टॉससाठी आले. पंड्याने यावेळी टॉस जिंकला आणि त्यानंतर आपण प्रथम गोलंदाजी करणार असल्याचे सांगितले. त्यानंतर पंड्याने या सामन्यासाठी भारतीय संघात कोणते ११ खेळाडू असतील, हे स्पष्ट केले. त्यानंतर हा टॉस जिंकल्यावर आपण पहिली गोलंदाजी का स्विकारली आहे, हे त्याने स्पष्ट केले.

टॉस जिंकल्यावर हार्दिकने सांगितले की, " मी आता टॉससाठी जेव्हा आलो तेव्हा मैदानात बरंच दव दिसत आहे. त्यामुळे मैदान थोडं ओलं झालं आहे. त्यामुळे मी प्रथम गोलंदाजी करण्याचा निर्णय घेतला आहे. त्यामुळे जेव्हा आम्ही फलंदाजीला येऊ तेव्हा त्याचा फायदा आम्हाला होऊ शकतो. आमच्या संघात बरेच युवा खेळाडू आहेत आणि सर्व दमदार कामगिरी करण्यासाठी सज्ज आहेत. पण या पहिल्या सामन्यात मात्र आम्ही चार खेळाडूंना संधी देऊ शकत नाही." भारतीय संघ जेव्हा फलंदाजीला येईल तेव्हा दव जास्त असणार आहे. दव जास्त असले की चेंडू बॅटवर सहजपणे येतो आणि त्यावेळी मोठी फटकेबाजी करता येणे कठीण नसते. त्यामुळे या दवाचा आता भारतीय संघाला चांगला फायदा होईल आणि टॉस जिंकून प्रथम गोलंदाजी घेतल्यामुळे भारताचे पारडे जड समजले जात आहे.

टी-२० मालिकेसाठी दोन्ही संघ
भारत : हार्दिक पंड्या (कर्णधार), सूर्यकुमार यादव (उपकर्णधार), इशान किशन (यष्टीरक्षक), शुभमन गिल, पृथ्वी शॉ, दीपक हुडा, राहुल त्रिपाठी, जितेश शर्मा (यष्टीरक्षक), वॉशिंग्टन सुंदर, कुलदीप यादव, युजवेंद्र यादव चहल, अर्शदीप सिंग, उमरान मलिक, शिवम मावी, मुकेश कुमार.

न्यूझीलंड: मिचेल सँटनर (कर्णधार), फिन ऍलन, मायकेल ब्रेसवेल, मार्क चॅपमन, डेव्हॉन कॉनवे (यष्टीरक्षक), डेन क्लीव्हर (यष्टीरक्षक), जेकब डफी, लॉकी फर्ग्युसन, बेंजामिन लिस्टर, डॅरिल मिशेल, ग्लेन फिलिप्स (यष्टीरक्षक), मायकेल रिप्पन , हेन्री शिपले, ईश सोधी आणि ब्लेअर टिकनर.