बडोदाः कर्णधार मिताली राज आणि पूनम राऊत यांच्या अर्धशतकांमुळे भारतीय महिला संघाने वनडे मालिकेतील दुसऱ्या लढतीत पाहुण्या दक्षिण आफ्रिकेवर पाच विकेटनी मात केली. यासह भारताने तीन वनडेंच्या मालिकेत २-० अशी विजयी आघाडी घेतली आहे.
मालिकेतील पहिली वनडे भारताने आठ विकेटनी जिंकली होती. प्रथम फलंदाजी करताना दक्षिण आफ्रिकेने निर्धारित ५० षटकांत ६ बाद २४७ धावांपर्यंत मजल मारली. त्यात लॉरा वोल्व्हार्टने ९८ चेंडूंत ७ चौकारांसह सर्वाधिक ६९ धावांची खेळी केली. मिग्नन डुप्रिझने ४८ चेंडूंत २ चौकार आणि एका षटकारांसह ४४ धावांची, तर लिझेल लीने ५४ चेंडूंत ३ चौकार आणि एका षटकारासह ४० धावांची खेळी केली.
प्रत्युत्तर देताना भारतीय संघाने ४८व्या षटकात ५ विकेटच्या मोबदल्यात विजयावर शिक्कामोर्तब केले. यात अनुभवी मिताली राज आणि पूनम राऊत यांनी मोलाचा वाटा उचलला. मिताली-पूनम यांनी १६० चेंडूंत १२९ धावांची भागीदारी रचली. मितालीने ८२ चेंडूंत ८ चौकारांसह ६६ धावांची, तर पूनमे ९२ चेंडूंत सात चौकारांसह ६५ धावांची खेळी केली. मालिकेतील अखेरची लढत १४ ऑक्टोबरला होणार आहे.
स्कोअरबोर्ड : दक्षिण आफ्रिका ५० षटकांत ६ बाद २४७ (लॉरा वोल्व्हावार्ट ६९, मिग्नन डुप्रिझ ४४, लिझेल ली ४०, लारा गुडॉल ३८, शिखा पांडे २-३८, पूनम यादव २-४२, एकता बिश्त २-४५) पराभूत वि. भारत ४८ षटकांत ५ बाद २४८ (मिताली राज ६६, पूनम राऊत ६५, अयाबोंगा खाका ३-६९). सामन्याची मानकरीः पूनम राऊत.
मालिकेतील पहिली वनडे भारताने आठ विकेटनी जिंकली होती. प्रथम फलंदाजी करताना दक्षिण आफ्रिकेने निर्धारित ५० षटकांत ६ बाद २४७ धावांपर्यंत मजल मारली. त्यात लॉरा वोल्व्हार्टने ९८ चेंडूंत ७ चौकारांसह सर्वाधिक ६९ धावांची खेळी केली. मिग्नन डुप्रिझने ४८ चेंडूंत २ चौकार आणि एका षटकारांसह ४४ धावांची, तर लिझेल लीने ५४ चेंडूंत ३ चौकार आणि एका षटकारासह ४० धावांची खेळी केली.
प्रत्युत्तर देताना भारतीय संघाने ४८व्या षटकात ५ विकेटच्या मोबदल्यात विजयावर शिक्कामोर्तब केले. यात अनुभवी मिताली राज आणि पूनम राऊत यांनी मोलाचा वाटा उचलला. मिताली-पूनम यांनी १६० चेंडूंत १२९ धावांची भागीदारी रचली. मितालीने ८२ चेंडूंत ८ चौकारांसह ६६ धावांची, तर पूनमे ९२ चेंडूंत सात चौकारांसह ६५ धावांची खेळी केली. मालिकेतील अखेरची लढत १४ ऑक्टोबरला होणार आहे.
स्कोअरबोर्ड : दक्षिण आफ्रिका ५० षटकांत ६ बाद २४७ (लॉरा वोल्व्हावार्ट ६९, मिग्नन डुप्रिझ ४४, लिझेल ली ४०, लारा गुडॉल ३८, शिखा पांडे २-३८, पूनम यादव २-४२, एकता बिश्त २-४५) पराभूत वि. भारत ४८ षटकांत ५ बाद २४८ (मिताली राज ६६, पूनम राऊत ६५, अयाबोंगा खाका ३-६९). सामन्याची मानकरीः पूनम राऊत.