Video : नशीबच खराब! चांगल्या डिफेन्सनंतरही किवी खेळाडू दुर्दैवपणे झाला बाद

कानपूर : कानपूर कसोटीच्या पाचव्या दिवशी न्यूझीलंडच्या फलंदाजांनी उत्कृष्ट बचावाचे चांगले उदाहरण सादर केले. चुकीचा फटका खेळून न्यूझीलंडच्या एकाही फलंदाजाने आपली विकेट गमावली नाही, पण न्यूझीलंडच्या एका खेळाडूची वेळच खराब होती. चांगला बचाव करूनही तो बाद झाला. किवी संघाचा यष्टीरक्षक टॉम ब्लंडेल बाद झाल्यानंतर अनेकांच्या भुवया उंचावल्या होत्या.

वाचा- कानपूर कसोटीत अंपायरने केली मोठी चूक; एका सेकंदाने बसला असा फटका

७९ व्या षटकात टॉम ब्लंडेल अत्यंत दुर्दैवीपणे त्रिफळाचित झाला. अश्विनच्या टाकलेल्या चेंडूचा त्याने उत्कृष्टपणे बचाव केला, पण चेंडू त्याच्या बॅटला लागून डाव्या पायाच्या शेजारी खेळपट्टीवर आदळला आणि त्यानंतर थेट यष्टीवर जाऊन धडकला. बेल्स उडाल्याने टॉम बाद झाला. आपण बाद झालो आहोत, यावर टॉमचा विश्वासच बसत नव्हता. तो काही क्षण तसाच खेळपट्टीवर उभा राहिला होता. टॉमला अशा प्रकारे बाद झालेले पाहून समालोचन करणारे माजी क्रिकेटपटूही हैराण झाले. टॉमला आज नशिबाने साथ दिली नाही. त्याने ३८ चेंडूंमध्ये फक्त २ धावा केल्या.

वाचा- 'लॉर्ड' शार्दूल चढणार बोहल्यावर, भारतीय क्रिकेटपटूच्या साखरपुडाच्या VIDEO आला समोर


वाचा- एका विकेटने दिली विजयाची हुलकावणी; कानपूर कसोटी ड्रॉ, न्यूझीलंडने सामना वाचवला

विल यंगही राहिला कमनशिबी
टॉम ब्लंडेलच्या आधी न्यूझीलंडचा सलामीवीर विल यंगसोबतही नशिबाने खेळ केला. चौथ्या दिवशी पायचित झाल्यानंतर त्याने रिव्ह्यू घेण्यास फक्त १ सेकंद उशीर केल्याने त्याला मैदान सोडावे लागले होते. तोदेखील अश्विनचाच बळी ठरला. रिव्ह्यूमध्ये तो नाबाद असल्याचे दिसून आले. जर त्याने वेळीच रिव्ह्यू घेतला असता, तर कदाचित न्यूझीलंडला हा सामना जिंकण्यात मदत मिळाली असती.

वाचा- मुंबई कसोटी: कोहलीच्या एन्ट्रीनंतर कोण जाणार बाहेर? रहाणे-पुजाराबाबत प्रशिक्षकांनी केले मोठे वक्तव्य

न्यूझीलंडने टाळला पराभव
टॉम ब्लंडेल आणि विल यंग यांना जरी नशिबाने साथ दिली नसली तरी न्यूझीलंड संघाने हातातून निसटून जाणारा सामना राखत पराभव टाळला. आणि टीम इंडियाचे विजयाचे स्वप्न धुळीस मिळवले. भारतीय गोलंदाजांनी कसोशीने प्रयत्न केले, पण न्यूझीलंडचा एक गडी ते बाद करू शकले नाही. न्यूझीलंडच्या रचिन रविंद्र आणि एजाज पटेल या जोडीने ५२ चेंडूंचा संघर्षपणे सामना केला. शेवटी खराब प्रकाशामुळे सामना रद्द करण्याचा निर्णय पंचांनी घेतल्यानंतर हा सामना अनिर्णित राहिला.