IND vs SL : चाहर-भुवीच्या 'अमेझिंग' खेळीनंतर सोशल मीडियात मीम्सचा पाऊस; हसून पोट दुखेल

मुंबई : यजमान श्रीलंकेला पराभवाचा धक्का देत दुसरा एकदिवसीय सामना भारताने जिंकला आणि मालिकेत 2-0 अशी आघाडी मिळवली. दीपक चहर हा या सामन्याचा नायक ठरला. पराभवाच्या छायेत गेलेला सामना खेचून आणत चहर आणि भुवी या जोडीने भारताला विजय मिळवून दिला. श्रीलंकेने नाणेफेक जिंकत प्रथम फलंदाजीचा निर्णय घेतला आणि अविष्का फर्नांडो-मिनोद भानुका या जोडीने 13.2 षटकात 77 धावांची सलामी भागीदारी साकारली. ही जोडी फुटल्यानंतर चरिथ असलांकाचे अर्धशतक आणि चमिका करुणारत्नेच्या 44 धावांच्या खेळीच्या जोरावर लंकेने 275 धावांचा डोंगर उभारला.

वाचा- दीपक चहर आणि सूर्यकुमारचं कोहलीनं केलं कौतुक; काय म्हणाला पाहा

मालिका जिंकण्यासाठी आणि 276 धावांचा पाठलाग करताना पृथ्वी शॉ आणि शिखर धवन या जोडीने पहिल्या दोन षटकात चौकारांची आतषबाजी सुरू केली होती, पण शॉ आणि त्यापाठोपाठ पहिल्या सामन्याचा हिरो ईशान किशन बाद झाले. कर्णधार धवन आणि हार्दिक पांड्याही थोड्या अंतराने ड्रेसिंग रुममध्ये परतले. मनीष पांडे आणि सूर्यकुमार यादवने संघाचा डाव सावरला. पण पांडे 37 आणि सूर्यकुमार 53 धावांवर बाद झाले.

वाचा- विजयानंतर पाहा काय म्हणाले, कोच द्रविड सर; ड्रेसिंग रुममधील व्हिडिओ व्हायरल

अखेरीस क्रुणाल पांड्या, दीपक चहर आणि भुवनेश्वर कुमार यांनी भारताला विजय मिळवून दिला. क्रुणालने 55 चेंडूत 35, भुवीने 19 आणि दीपकने कारकीर्दीतले पहिले अर्धशतक झळकावत 69 धावांची शानदार खेळी केली. आणि भारताला 3 विकेटने विजय मिळवून दिला. या विजयासह भारताने आयसीसीच्या विश्वचषक सुपर लीगमध्ये तिसरे स्थान मिळवले आहे.

वाचा- दीपक फलंदाजी करत होता, तेव्हा कोच द्रविड काय करत होते

दरम्यान, भारत आणि श्रीलंकेत झालेल्या दुसर्‍या एकदिवसीय सामन्यानंतर सोशल मीडियावर मीम्सचा पाऊस पडला. अनेकांनी चहरला फिनिशर धोनीची उपमा दिली आहे. तर काहींनी श्रीलंकेचे प्रशिक्षक मिकी आर्थर यांना ट्रोल केले आहे. त्यातील सर्वाधिक शेअर होणारे मीम्स आपण पाहूयात.

वाचा- सर्वांनी आशा सोडल्या होत्या, पराभव होणाऱ्या सामन्यात दीपकने...