राहुल आणि राशिदची IPL मधून होणार सुट्टी; पंजाब-हैदराबादच्या तक्रारीनंतर BCCI करणार कारवाई

नवी दिल्ली : इंडियन प्रीमियर लीग (IPL) २०२२ मध्ये कोणती फ्रेंचायझी कोणत्या खेळाडूंना कायम ठेवणार यावर ३० नोव्हेंबर रोजी शिक्कामोर्तब होणार आहे. भारतीय क्रिकेट नियामक मंडळाने (बीसीसीआय) सर्व आठ जुन्या फ्रँचायझी संघांना त्यांच्या कायम ठेवलेल्या खेळाडूंची यादी सादर करण्यासाठी ३० नोव्हेंबर ही अंतिम मुदत दिली आहे. या दरम्यान आता नवा वाद निर्माण झाला आहे. पंजाब किंग्ज आणि सनरायझर्स हैदराबादच्या संघांनी बीसीसीआयकडे तक्रार केली आहे की, नवीन लखनऊ फ्रँचायझी के.एल. राहुल आणि राशिद खान यांना आपल्या संघात घेण्यासाठी दबाव आणत आहे.

वाचा- 'लॉर्ड' शार्दूल चढणार बोहल्यावर, भारतीय क्रिकेटपटूच्या साखरपुडाचा VIDEO आला समोर

इनसाइड स्पोर्ट्सने दिलेल्या वृत्तानुसार, बीसीसीआयच्या एका वरिष्ठ अधिकाऱ्याने सांगितले की, “आम्हाला याबाबत कोणतीही लेखी तक्रार प्राप्त झालेली नाही, पण लखनऊ संघ त्यांच्या खेळाडूंना संघात घेण्यासाठी दबाव आणत असल्याची तोंडी तक्रार दोन फ्रँचायझी संघांनी केली आहे. आम्ही या प्रकरणावर लक्ष ठेवून आहोत आणि जर ही गोष्ट खरी ठरली, तर आम्ही त्यावर योग्य ती कारवाई करू. आम्हाला आयपीएलचा समतोल अजिबात बिघडवायचा नाही.

वाचा- एका विकेटने दिली विजयाची हुलकावणी; कानपूर कसोटी ड्रॉ, न्यूझीलंडने सामना वाचवला

राहुलने पंजाब किंग्ज सोडण्याचे खरे कारण?
के.एल. राहुलने पंजाब किंग्ज सोडल्याच्या बातम्या याआधीही माध्यमातून प्रसिद्ध झाल्या आहेत. कामगिरीवर खूश नसल्याचे कारण राहुलने संघ सोडण्यामागे असल्याचे मानले जात होते, पण आता नवीन गोष्ट समोर आली आहे. दुसरीकडे, सनरायझर्स हैदराबादचा स्टार फिरकीपटू राशिद खाननेही लिलावात उतरण्याची इच्छा व्यक्त केली आहे. या दोन खेळाडूंच्या या निर्णयामागे लखनऊ फ्रँचायझी असल्याचे मत पंजाब किंग्ज आणि सनरायझर्स हैदराबादने व्यक्त केले आहे.

वाचा- कानपूर कसोटीत अंपायरने केली मोठी चूक; एका सेकंदाने बसला असा फटका

लखनऊचा मास्टरस्ट्रोक?
आयपीएल २०२२ साठी मेगा लिलाव होणार आहे आणि त्यादरम्यान आठ जुने फ्रँचायझी संघ जास्तीत जास्त चार खेळाडू राखू शकतात. त्याच वेळी, दोन नवीन फ्रेंचायझी संघांना लिलावापूर्वी प्रत्येकी तीन खेळाडू खरेदी करण्याची संधी असेल. त्यामुळे राहुल आणि राशिद लिलावात उतरले, तर लिलावापूर्वीच या दोघांना खरेदी करण्याचा लखनऊचा संघ प्रयत्न करत आहे.