अ‍ॅपशहर

IPL 2023 - सर जडेजा झाला धोनीसमोर नतमस्तक...फक्त तीन शब्दात सर्व वाद मिटवला!

IPL 2023 - चेन्नई सुपर किंग्जच्या चाहत्यांसाठी एक आनंदाची बातमी आहे. रवींद्र जडेजाला संघाने कायम ठेवले आहे. म्हणजेच धोनी आणि जडेजा ही जोडी पुन्हा एकदा मैदानावर एकत्र दिसणार आहे. जडेजाने धोनीचा फोटो शेअर करत भावनिक झाला आहे.

Authored byभक्ती गुरव | महाराष्ट्र टाइम्स.कॉम 16 Nov 2022, 5:52 pm
मुंबई: चेन्नई सुपर किंग्ज आणि डॅशिंग अष्टपैलू रवींद्र जडेजा यांच्यात मतभेद असल्याने जडेजा चेन्नई सुपर किंग्जमधून बाहेर पडणार असा बातम्या बराच काळ आपल्या कानावर पडत होत्या, पण आता चेन्नईच्या संघाने या सर्व गोष्टींवर पूर्णविराम लावला आहे. आयपीएलच्या लिलावाआधी रिटेन आणि रिर्लीज खेळाडूंची यादी जाहीर करता तसं त्यांनी जडेजाला संघात कायम ठेवले आहे. यावरूनच फ्रँचायझी आणि जडेजा यांच्यामध्ये सर्व काही अलबेल आहे, यावर शिक्कामोर्तब झाला आहे.
महाराष्ट्र टाइम्स.कॉम Ravindra Jadeja instagram post for CSK & Dhoni


इंडियन प्रीमियर लीगचा २०२१ हंगाम सुरू होण्याआधी, सीएसकेने जडेजाला कर्णधार बनवले, पण मध्येच त्याने कर्णधारपद सोडण्याचा निर्णय घेतला. यानंतर तो प्लेइंग इलेव्हनमधूनही बाहेर पडला. त्यानंतर पुन्हा कर्णधारपद महेंद्रसिंग धोनीकडे गेले, पण तोपर्यंत संघ प्लेऑफच्या शर्यतीतून जवळपास बाहेर पडला होता.

वाचा: न्यूझीलंडविरुद्ध उतरणार नवी टीम इंडिया; कोण असेल सलामीवीर, ४ जण स्पर्धेत

यानंतर जडेजाला दुखापत झाली आणि तो स्पर्धेतूनच बाहेर पडला. त्याने आणि फ्रँचायझीने एकमेकांचे फोटोही सोशल मीडियावरून काढले. यावरून बराच काळ गदारोळ झाला. आता फ्रँचायझीने जडेजाला रिटेन केल्यावर जड्डूने तीन शब्दांत धन्यवाद म्हटले. महेंद्रसिंग धोनीसोबतचा एक फोटो शेअर करत त्याने इंस्टाग्रामवर लिहिले- सर्वकाही ठीक आहे #restart (सर्व काही ठीक आहे... पुन्हा सुरूवात).

माजी फ्रँचायझी खेळाडू सुरेश रैनानेही यावर भाष्य केले. त्याने लिहिले - CSK हे कुटुंबासारखे आहे. चेन्नई सुपर किंग्जच्या अधिकृत पेजवरून यावर टिप्पणी केली - कायमचं - कायमचं असेल! या मोसमातही महेंद्रसिंग धोनी संघाचे नेतृत्व करणार आहे, तर जडेजा त्याच्या जुन्या भूमिकेत दिसणार आहे.

हेही वाचा: सूर्यकुमार झाला भावूक; वर्ल्डकपनंतर दुसरी पोस्ट, "... हे माझ्यासाठी कठीण आहे

View this post on Instagram A post shared by Ravindrasinh jadeja (@ravindra.jadeja)

वाचा: टी-२० वर्ल्ड कपमध्ये ना फायनल, ना विजेतेपद; तरीही क्रमवारीत भारताचा 'सूर्य' चमकतोय

चेन्नई सुपर किंग्ज (२०.४५ कोटी बाकी)

चेन्नई सुपर किंग्जने कायम ठेवलेले खेळाडू (CSK Retained Players List):
अंबाती रायुडू, दीपक चहर, डेव्हॉन कॉनवे, ड्वेन प्रिटोरियस, महेश तिक्षना, मथिशा पाथिराना, मिचेल सँटनर, मोईन अली, एमएस धोनी, मुकेश चौधरी, प्रशांत सोलंकी, राजवर्धन हैंगरगेकर, रविंद्र जडेजा, ऋतुराज गायकवाड, शिवम दुबे, सिमरजित सिंह, सुभ्रांशु सेनापती, तुषार देशपांडे

हेही वाचा: VIDEO: मालिका सुरु होण्याआधीच भारताच्या हातून ट्रॉफी गेली, हार्दिक पांड्यासमोरच केन विल्यम्सनने...

चेन्नई सुपर किंग्जने रिलीज केलेले खेळाडू (CSK Released Players List):
ड्वेन ब्राव्हो, रॉबिन उथप्पा, अॅडम मिल्ने, हरी निशांत, ख्रिस जॉर्डन, भगत वर्मा, केएम आसिफ, नारायण जगदीसन
लेखकाबद्दल
भक्ती गुरव
"भक्ती गुरव, महाराष्ट्र टाइम्स ऑनलाइनमध्ये कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा ३ वर्षांचा अनुभव आहे आणि आता मटा ऑनलाइनमध्ये आहे. क्रीडासोबतच अर्थविषयक बातम्यांमध्ये रस."... आणखी वाचा

महत्वाचे लेख