जसप्रीत बुमराला नेतृत्व स्विकारल्यावर इतिहास रचण्याची संधी, एकाही कर्णधाराला ही गोष्ट जमली नाही

लंडन : भारताचा वेगवान गोलंदाज जसप्रीत बुमराकडे आता भारतीय संघाचे कर्णधारपर देण्यात आले आहे. पण भारताचे नेतृत्व स्विकारल्यावर बुमराला आता इतिहास रचण्याची सुवर्णसंधी आहे. कारण भारताच्या एकाही कर्णधाराला आतापर्यंत एकदाही ही गोष्ट करता आलेली नाही.
जसप्रीत बुमरा आता कोणता पराक्रम करू शकतो, जाणून घ्या...रोहित शर्माची दुसरी करोना चाचणी पॉझिटीव्ह आली आणि त्यामुळेच त्याला कसोटी सामन्यात खेळता येणार नाही. त्यामुळेच आता भारताचे नेतृत्व बुमराकडे सोपवण्यात आले आहे. गेल्या दौऱ्यातील पाचवा आणि अखेरचा सामना हा करोनामुळे होऊ शकला नव्हता आणि तोच सामना आता यावर्षी खेळवण्यात येणार आहे. या मालिकेत भारतीय संघाकडे २-१ अशी दमदार आघाडी आहे. त्यामुळे भारताने जर हा सामना जिंकला तर त्यांची आघाडी वाढून ३-१ अशी होऊ शकते. दुसरीकडे भारताने हा सामना अनिर्णीत राखला तरी भारतीय संघ २-१ अशा फरकाने ही मालिका जिंकू शकतो. त्यामुळे भारतीय संघ या मालिकेत आघाडीवर आहे आणि त्यांना ही मालिका जिंकण्याची सुवर्णसंधी आहे. त्यामुळे बुमराच्या नेतृत्वाखाली भारतीय संघ हा ऐतिहासिक विजय साकारू शकतो. कारण यापूर्वी भारताच्या एकाही कर्णधाराला इंग्लंडमध्ये पाच कसोटी सामन्यांची मालिका जिंकता आलेली नाही. त्यामुळे भारताने हा सामना जिंकला किंवा अनिर्णीत जरी राखला तर इंग्लंडमध्ये पाच कसोटी सामन्यांची मालिका जिंकणारा बुमरा हा भारताचा पहिला कर्णधार ठरणार आहे. फक्त या सर्व गोष्टींमध्ये एकच गोष्ट महत्वाची आहे. ती गोष्ट म्हणजे जर इंग्लंडच्या संघाने जर हा सामना जिंकला तर ही मालिका २-२ अशी बरोबरीत सुटू शकते. त्यामुळे इंग्लंडच्या संघाने जर विजय मिळवला तर भारतीय संघाचे ऐतिहासिक विजयाचे स्वप्न पूर्ण होऊ शकत नाही. त्यामुळे या सामन्याचा निकाल नेमका काय लागतो, याकडे सर्वांचे लक्ष लागलेले असेल. एकिकडे इंग्लंडने न्यूझीलंडला कसोटी मालिकेत ३-० अशी धुळ चारली आहे. त्यामुळे भारत त्यांचा हा विजयरथ रोखणार का, याकडे सर्वांचे लक्ष लागलेले असेल.