जसप्रीत बुमराच्या दुखापतीबाबतचे मोठे अपडेट्स, अजूनही वर्ल्डकपमध्ये कसा खेळू शकतो जाणून घ्या

नवी दिल्ली : जसप्रीत बुमराला पाठिची दुखापत झाली आहे आणि तो विश्वचषक खेळू शकत नाही, असे म्हटले जात आहे. पण जर बुमराच्या सर्व गोष्टींचा जर अभ्यास केला तर बुमरा हा विश्वचषक खेळू शकतो. कारण बुमराच्या दुखापतीनंतर आता काही अपडेट्स समोर आले आहेत. त्यानुसार बुमराच्या विश्वचषकात खेळण्याची शक्यता असल्याचे समोर झाले आहे.

बुमराच्या उपचारांवर चार आठवड्यांचा कालावधी लागू शकतो, असे म्हटले जात आहे. ही दुखापत किमान चार आठवड्यांत बरी होऊ शकते. जर बुमराची दुखापत ही चार आठवड्यांमध्ये बरी झाली आणि तो फिट झाला तर तो वर्ल्डकपमध्ये खेळू शकतो. कारण विश्वचषक हा १६ ऑक्टोबर ते १३ नोव्हेंबर या कालावधीमध्ये होऊ शकतो. त्यामुळे जर बुमराच्या दुखापतींसाठी चार आठवड्यांचा वेळ लागला आणि तो फिट झाला तर नोव्हेंबर महिन्याच्या सुरुवातीला तो खेळू शकतो. त्यामुळे आता बुमराच्या दुखापतींची योग्य चाचणी कधी केली जाते, त्यानंतर त्याच्यावर नेमके काय उपचार केले जातात आणि यासाठी किती दिवसांचा कालावधी लागू शकतो, हे पाहणे महत्वाचे आहे. ही दुखापत किमान चार आठवडे आणि सहा महिन्यांमध्ये बरी होऊ शकते, असे म्हटले जात आहे. त्यामुळे चार आठवड्यांनंतर जेव्हा बुमराच्या दुखापतीबाबत आढावा घेतला जाईल, त्यावेळीच ही गोष्ट स्पष्ट होऊ शकेल. त्यामुळे सध्याच्या घडीला तरी बुमराबाबत सर्वांना वेट अँड वॉच ही भूमिकाच घ्यावी लागणार आहे.

बुमरावर शस्त्रक्रीया न करता त्याच्यावर अन्य उपचार केले जाणार आहेत. कारण जेव्हा स्ट्रेस फॅक्चर होते, तेव्हा शक्यतो शस्त्रक्रीया टाळली जाते. कारण त्यावेळी फिजिओथेरीपीवर जास्त भर दिला जातो. कारण स्ट्रेस फ्रॅक्चर हे फिजिओथेरेपीने बरे होऊ शकते. दक्षिण आफ्रिकेविरुद्धच्या मालिकेसाठी भारतीय संघ सराव करत असताना बुमराला दुखापत झाल्याचे समोर आले. बुमराला स्ट्रेस फ्रॅक्चर झाले आहे. बुमराच्या पाठीमागे स्ट्रेस फॅक्चर झालं आहे. जेव्हा तुम्ही शरीराच्या एका भागावर जास्त ताण देता तेव्हा तुमच्या स्नायू किंवा हाडांना दुखापत होऊ शकते. त्यावेळी स्नायू किंवा हाडांना छोटं फ्रॅक्चर होऊ शकतं. त्यामुळे यासाठी शरीराच्या एकाच भागावर जास्त ताण पडू नये, याची काळजी घ्यायची असते. बुमराने या गोष्टीकडे जास्त लक्ष दिले नाही आणि त्यामुळेच ही दुखापत समोर आली आहे.

(बुमराला दुखापतीमधून बरे होण्यासाठी किमान चार आठवड्यांचा कालावधी लागू शकतो... याबाबतचे पहिले वृत्त क्रिकबझ या वृत्तवाहिनीने दिले आहे.)