लंडन : इंग्लंडविरुद्धच्या एकमेव कसोटी सामन्यासाठी भारताचा कर्णधार नेमका कोण होणार, याची चर्चा चांगलीच रंगत होती. पण आता बीसीसीआयने याबाबतची माहिती दिली आहे. त्यामुळे आता या कसोटीत भारताचा कर्णधार कोण होणार, हे स्पष्ट झाले आहे.
बीसीसीआयने यावेळी कोणती माहिती दिली, जाणून घ्या....
बीसीसीआयने गुरुवारी भारतीय संघाबाबतची माहिती दिली आहे. बीसीसीआयने आपल्या पत्रकात सांगितले की, " गुरुवारी रोहित शर्माची पुन्हा एकदा करोना चाचणी घेण्यात आली आणि त्यामध्ये रोहित हा करोना पॉझिटीव्ह असल्याचे आता समोर आले आहे. त्यामुळे तो इंग्लंडविरुद्धच्या कसोटी सामन्यात खेळू शकणार नाही. त्यामुळे इंग्लंडविरुद्धच्या कसोटीसाठी भारतीय संघाचे नेतृत्व जसप्रीत बुमराकडे सोपवण्यात येत आहे."
रोहितला पहिल्यांदा २५ जूनला करोना झाल्याचे समोर आले होते. त्यावेळी भारतीय संघ हा सराव सामना खेळत होता. त्यानंतर रोहितला पाच दिवसांसाठी विलगीकरणात ठेवण्यात आले होते. त्यानंतर २९ जूनला पुन्हा एकदा रोहितची करोना चाचणी करण्यात आली होती आणि ती पॉझिटीव्ह आली होती.
द्रविड यांचा आशेचा किरण मावळला, पाहा बुधवारी नेमकं काय म्हणाले होते...द्रविड यांनी सांगितले होते की, " रोहितची एक करोना चाचणी पॉझिटीव्ह आली आहे. पण त्याच्या अजून काही करोना चाचण्या होणार आहेत. त्या चाचण्यांमध्ये जर रोहित करोना निगेटीव्ह आला तर तो कसोटी सामन्यात खेळू शकतो. बीसीसीआयची मेडिकल टीम ही रोहितवर लक्ष ठेवून आहे. आज रात्री आणि उद्या सकाळी रोहितची करोना चाचणी केली जाणार आहे. आमच्याकडे सामन्यासाठी अजूनही ३६ तास आहेत. त्यामुळे या ३६ तासांमध्ये काहीही घडू शकते. त्यामुळे ३६ तासांमध्ये होणाऱ्या रोहितच्या करोना चाचण्यांचा अहवाल नेमका काय येतो, याकडे सर्वांचे लक्ष लागलेले असेल. रोहित शर्माच्या संघ निवडीचा अंतिम निर्णय हा चेतन शर्मा यांच्या अध्यक्षतेखालील निवड समितीचा असेल. निवड समिती सर्व परिस्थितीचा आढावा घेतील आणि त्यानंतर चर्चा करतील. या चर्चेनंतर भारताचा संघ निवडला जाईल. त्यामुळे आता येत्या काही तासांमध्ये नेमकं काय घडतं, हे पाहणं महत्वाचं असेल." त्यामुळे द्रविड यांची रोहित शर्मा कसोटीत खेळणार असल्याची आशा आता धुळीस मिळाली आहे. त्यामुळे आता रोहित कसोटीत खेळणार नसल्याचे स्पष्ट झाले आहे. त्यामुळे द्रविड यांना आता बुमराबरोबर या सामन्याची रणनिती आखावी लागणार आहे.
बीसीसीआयने यावेळी कोणती माहिती दिली, जाणून घ्या....
बीसीसीआयने गुरुवारी भारतीय संघाबाबतची माहिती दिली आहे. बीसीसीआयने आपल्या पत्रकात सांगितले की, " गुरुवारी रोहित शर्माची पुन्हा एकदा करोना चाचणी घेण्यात आली आणि त्यामध्ये रोहित हा करोना पॉझिटीव्ह असल्याचे आता समोर आले आहे. त्यामुळे तो इंग्लंडविरुद्धच्या कसोटी सामन्यात खेळू शकणार नाही. त्यामुळे इंग्लंडविरुद्धच्या कसोटीसाठी भारतीय संघाचे नेतृत्व जसप्रीत बुमराकडे सोपवण्यात येत आहे."
रोहितला पहिल्यांदा २५ जूनला करोना झाल्याचे समोर आले होते. त्यावेळी भारतीय संघ हा सराव सामना खेळत होता. त्यानंतर रोहितला पाच दिवसांसाठी विलगीकरणात ठेवण्यात आले होते. त्यानंतर २९ जूनला पुन्हा एकदा रोहितची करोना चाचणी करण्यात आली होती आणि ती पॉझिटीव्ह आली होती.
द्रविड यांचा आशेचा किरण मावळला, पाहा बुधवारी नेमकं काय म्हणाले होते...द्रविड यांनी सांगितले होते की, " रोहितची एक करोना चाचणी पॉझिटीव्ह आली आहे. पण त्याच्या अजून काही करोना चाचण्या होणार आहेत. त्या चाचण्यांमध्ये जर रोहित करोना निगेटीव्ह आला तर तो कसोटी सामन्यात खेळू शकतो. बीसीसीआयची मेडिकल टीम ही रोहितवर लक्ष ठेवून आहे. आज रात्री आणि उद्या सकाळी रोहितची करोना चाचणी केली जाणार आहे. आमच्याकडे सामन्यासाठी अजूनही ३६ तास आहेत. त्यामुळे या ३६ तासांमध्ये काहीही घडू शकते. त्यामुळे ३६ तासांमध्ये होणाऱ्या रोहितच्या करोना चाचण्यांचा अहवाल नेमका काय येतो, याकडे सर्वांचे लक्ष लागलेले असेल. रोहित शर्माच्या संघ निवडीचा अंतिम निर्णय हा चेतन शर्मा यांच्या अध्यक्षतेखालील निवड समितीचा असेल. निवड समिती सर्व परिस्थितीचा आढावा घेतील आणि त्यानंतर चर्चा करतील. या चर्चेनंतर भारताचा संघ निवडला जाईल. त्यामुळे आता येत्या काही तासांमध्ये नेमकं काय घडतं, हे पाहणं महत्वाचं असेल." त्यामुळे द्रविड यांची रोहित शर्मा कसोटीत खेळणार असल्याची आशा आता धुळीस मिळाली आहे. त्यामुळे आता रोहित कसोटीत खेळणार नसल्याचे स्पष्ट झाले आहे. त्यामुळे द्रविड यांना आता बुमराबरोबर या सामन्याची रणनिती आखावी लागणार आहे.