सचिन तेंडुलकरचा मोठा विक्रम मोडू शकतो इंग्लंडचा खेळाडू; दिग्गज खेळाडूने केली भविष्यवाणी

लंडन: अडचणीत असताना इंग्लंडला न्यूझीलंडविरुद्धच्या लॉर्ड्स कसोटीत विजय मिळवून देणारा संघाचा माजी कर्णधार जो रूटचे सर्वजण कौतुक करत आहेत. रुटने या सामन्यात नाबाद ११५ धावांची खेळी केली. त्याच्या या खेळीतून अनेक विक्रमांची नोंद झाली. रुटच्या या खेळीनंतर त्याच्याबद्दल एक मोठी भविष्यवाणी करण्यात आलीय आहे.

जो रुटच्या कसोटीत १० हजार धावा पूर्ण झाल्या आहेत. ११८ कसोटीतील २१८ डावात त्याने ५४.७९च्या सरासरीने १० हजार १५ धावा केल्या आहेत. यात २६ शतक आणि ५३ अर्धशतकांचा समावेश आहे. सर्वात कमी वयात १० हजार धावा करणारा तो संयुक्तपणे दुसरा इंग्लंडचा खेळाडू ठरलाय. ३१ वर्ष १५७ दिवशी रुटने ही कामगिरी केली. अशीच कामगिरी एलिस्टर कुकने देखील केली होती.

वाचा- १४ वर्ष डेटिंग केल्यानंतर नदालने केला विवाह; जाणून घ्या कोण आहे मारिया पेरेलो

सचिनचा विक्रम मोडणार

रुटच्या या खेळीनंतर ऑस्ट्रेलियाचा माजी कर्णधार मार्ट टेलर यांनी एक मोठी भविष्यवाणी केली आहे. रुट सध्या सर्वोत्तम फॉर्ममध्ये असून तो अचून ५-६ वर्ष कसोटी क्रिकेट खेळू शकतो. भारताचा दिग्गज क्रिकेटपटू सचिन तेंडुलकरचा विक्रम मागे टाकू शकतो. सचिनने २०० कसोटीत १५ हजार ९२१ धावा केल्या आहेत. सध्या रुट वगळता सक्रीय क्रिकेट खेळणाऱ्यापैकी कोणीही कसोटीत १० हजार धावा केल्या नाहीत.

वाचा- शिष्याचा पराभव करून राफेल नदालने इतिहास घडवला; क्ले कोर्टवर ५० वर्षानंतर...


वाचा- टीम इंडियाच्या टॉप -३ ला दिग्गज कर्णधाराचा इशारा, कडक शब्दात फटकारले

स्काय स्पोर्ट्सशी बोलताना टेलर म्हणाले, रुटकडे किमान ५ वर्ष आहेत. त्यामुळेच मला वाटते की सचिनचा विक्रम मोडला जाऊ शकतो. रुट त्याच पद्धतीने फलंदाजी करत आहे जसा १८ महिने किंवा दोन वर्षापासून एखादा खेळाडू फलंदाजी करतो. रुट फिट राहिला तर १५ हजारहून अधिक धावा करू शकतो.

वाचा- टी-२० क्रिकेटमध्ये असं कधीच झालं नाही; ८ धावांवर ऑलआऊट आणि ७ चेंडूत विजय

पहिल्या कसोटीत इंग्लंडला विजयासाठी २७७ धावांची गरज होती. सामन्याच्या तिसऱ्या दिवशी ४ विकेट गमावल्यानंतर इंग्लंडचा संघ संकटात होता. तेव्हा रुट आणि स्टोक्स यांनी ९० धावांची भागिदारी केली. नंतर रुटने फोक्ससोबत नाबाद १२० धावांची भागिदारी केली आणि विजय मिळून दिला.