आईच्या मैत्रिणीशी विवाह; ९ वर्षांनी मोठ्या मीनलसोबतची लव्हस्टोरी वाचून सुष्मितालाही विसराल

Sushmita Sen & Lalit Modi Relationship: आयपीएलचे माजी आयुक्त ललित मोदीने बॉलिवडू अभिनेत्री सुष्मिता सेनला डेट करत असल्याचे जाहीर केले आहे. मोदीने इस्टाग्रामवर काही फोटो शेअर करत ही माहिती दिली. इतक नाही तर लवकरच विवाह देखील करू असे म्हटले. मोदीने याआधी देखील विवाह केला होता. जाणून घेऊयात त्याच्या पहिल्या विवाहाबद्दल...

आयपीएलची २००८ साली सुरूवात करणारा ललित मोदी सध्या देशाबाहेर आहे. २०१० साली स्पर्धेत घोटाळा केल्याप्रकरणी त्याला पदावरून हटवण्यात आले, त्यानंतर मोदी देश सोडून पळून गेला. मोदीने मीनल यांच्याशी पहिला विवाह केला होता. मीनल या ललीत मोदीच्या आईची मैत्रिण होती. ललीत आणि मीनल (Meenal Modi ) यांच्यात ९ वर्षाचे अंतर होते. या दोघांचे प्रेम परदेशात सुरू झाले.

वाचा- वेस्ट इंडिज दौऱ्यातील टी-२० मालिकेसाठी भारतीय संघाची घोषणा; विराटला पुन्हा...

मोदीने जेव्हा मीनल यांना त्यांच्यावर प्रेम करत असल्याचे सांगितले तेव्हा त्या नाराज झाल्या होत्या. मीनल यांनी नायझेरियाचे उद्योगपती जॅक सागरानी यांच्याशी विवाह केला होता. त्यानंतर या दोघांच्या बोलण बंद झाले होते.

मीनल आणि ललित मोदी यांचा १७ ऑक्टोबर १९९१ साली विवाह झाला. या विवाहाला घरच्यांचा विरोध होता. पण मोदींनी आजी दयावती मोदी यांचे मन वळवले आणि त्यानंतर कुटुंबाचा विरोध कमी झाला. मात्र हा विवाह ९ वर्ष चालला. दोघांनी घटस्फोट घेतला. त्यानंतर देखील हे दोघे पुन्हा एकत्र आले होते. मात्र कुटुंबीयांनी विरोध केला.

वाचा- क्रिकेटमधील सर्वात मोठा भ्रष्टाचार; जेवणासाठी १.७४ कोटी,केळीसाठी ३५ लाख तर

मोदीने मीनल यांच्या मुलाला देखील स्विकारले. त्याचे नाव करीम सगलानी आहे. ललित आणि मीनल यांना मुलगा रुचिर मोदी आणि मुलगी आलिया मोदी अशी दोन मुलं आहेत.

मृत्यूचे कारण सांगितले नाही
२०१८ साली मीनल यांचे निधन झाले. ही माहिती स्वत: ललित मोदीने सोशल मीडियावर दिली होती. मोदीने एक भावनिक पोस्ट शेअर केली होती. पण मीनल यांच्या मृत्यूचे कारण सांगितले नाही.

वाचा-एका पंचमध्येच किक बॉक्सरचा मृत्यू, मिनिटात आयोजक फरार

आयपीएलच्या दोन हंगामात प्रचंड यश मिळवल्यानंतर मोदीवर गंभीर आरोप झाले. यात मनी लॉड्रिंगसह अन्य काही आरोपांचा समावेश आहे. त्यांच्यावर स्पर्धेच्या लिलावात चुकीच्या पद्धतीने गोष्टी केल्याचा आरोप आहे. त्याच बरोबर मॉरिशसमधील एक कंपनीला आयपीएलचे ४२५ कोटीचा ठेका दिला यात १२५ कोटीचे कमीशन घेतल्याचा आरोप मोदीवर आहे. भारत सरकार मोदीला पुन्हा देशात आणण्याचे प्रयत्न करत आहे पण अद्याप त्याला यश आले नाही.