रोहित शर्माला मोठा धक्का; फक्त १५ धावा आणि या खेळाडूने हिटमॅनचा वर्ल्ड रेकॉर्ड मागे टाकला

नवी दिल्ली: वेस्ट इंडिज आणि न्यूझीलंड यांच्यात नुकतीच टी-२० मालिका झाली. या मालिकेत न्यूझीलंडने २-१ असा विजय मिळवला. मालिकेतील अखेरच्या लढतीत न्यूझीलंडने १४६ धावांचे टार्गेट दिले होते. उत्तरादाखल वेस्ट इंडिजने विजयाचे लक्ष्य २ विकेटच्या बदल्यात पार केले.

वेस्ट इंडिज आणि न्यूझीलंड यांच्यात झालेल्या सामन्यात भारताचा कर्णधार हिटमॅन रोहित शर्मा ( Rohit Sharm) याला मोठा धक्का बसला. तिसऱ्या टी-२० सामन्यात न्यूझीलंडचा सलामीवीर मार्टिन गप्टिल (Martin Guptill) याने फक्त १५ धावा केल्या. यात १ षटकार आणि १ चौकाराचा समावेश होता. या छोट्या खेळीत देखील गप्टिलने एक मोठा विक्रम स्वत:च्या नावावर केला. त्याने भारताच्या कर्णधाराला मागे टाकले.

वाचा- पुण्यात जन्मलेल्या मुलीला आई-वडिलांनी अनाथ आश्रमात सोडले; नशिब असं बदलंल की

दोन्ही संघातील या तिसऱ्या टी-२० सामन्याआधी आंतरराष्ट्रीय टी-२० क्रिकेटमध्ये सर्वाधिक धावा करण्याचा विक्रम रोहित शर्माच्या नावावर होता. आता हा विक्रम गप्टिलच्या नावावर झाला आहे. टी-२०मध्ये गप्टिलच्या नावावर आता ३ हजार ४९७ धावा झाल्या असून रोहित ३ हजार ४८७ धावांसह दुसऱ्या क्रमांकावर आहे. तिसऱ्या स्थानावर विराट कोहली ३ हजार ३०८ धावा, चौथ्या स्थानावर पॉल स्टर्लिंग २ हजार ९७५ तर ऑस्ट्रेलियाचा कर्णधार एरॉन फिंच २ हजार ८५५ धावांसह पाचव्या क्रमांकावर आहे.

वाचा- क्रिकेटपटूच्या पत्नीची PM मोदी आणि गृहमंत्र्यांकडे मागणी; 'देशाचे नाव...'


वाचा- दोघा भारतीय क्रिकेटपटूंकडून झाला होता तिरंग्याचा अपमान, थेट पाकिस्तानात काढला पळ

रोहित शर्माला पुन्हा एकदा अव्वल स्थानी जाण्याची संधी आहे. २७ ऑगस्टपासून सुरू होणाऱ्या आशिया कप स्पर्धेत रोहित गप्टिलला मागे टाकू शकतो.