बुमराहच्या जागी संघात कोण? BCCIने जाहीर केले या खेळाडूचे नाव

नवी दिल्ली: भारतीय क्रिकेट संघाला टी-२० वर्ल्डकपच्या आधी मोठा धक्का बसला आहे. संघातील स्टार जलद गोलंदाज जसप्रीत बुमराह (jasprit bumrah) दुखापतीमुळे स्पर्धेबाहेर झाला आहे. बुमराहच्या जागी संघात कोणाचा समावेश होणार याबाबतची उत्सुकता सर्वांना होती. आता यासंदर्भात बीसीसीआयने मोठी घोषणा केली आहे. सध्या भारत आणि दक्षिण आफ्रिका यांच्यात ३ सामन्यांची टी-२० मालिका सुरू आहे. या मालिकेसाठी भारतीय संघात जसप्रीत बुमराहच्या जागी मोहम्मद सिराज(mohammed siraj)चा समावेश करण्यात आल्याची घोषणा बीसीसीआयने केली आहे.


वाचा- रोहित शर्माला जराही कल्पना नव्हती की Live सामन्यात त्याच्या सोबत असं काही होईल

दक्षिण आफ्रिका आणि भारत यांच्यात ३ सामन्यांची टी-२० मालिका सुरू आहे. मालिकेतील पहिली लढत भारताने ८ विकेटनी जिंकली होती. पहिला सामना झाल्यानंतर टीम इंडियाला मोठा झटका बसला होता. संघातील स्टार जलद गोलंदाज जसप्रीत बुमराह दुखापतीमुळे तो आफ्रिकेविरुद्धच्या मालिकेतून बाहेर झाला. त्याच्या जागी उर्वरित दोन सामन्यांसाठी सिराजला संघात घेण्यात आले आहे. दोन्ही संघातील दुसरी लढत २ ऑक्टोबर रोजी गुवहाटी येथे तर तिसरी लढत ४ ऑक्टोबर रोजी इंदुर येथे होणार आहे.

वाचा- Breaking News: भारतीय क्रिकेट संघाला सर्वात मोठा झटका

दुखापतीमुळे बुमराह पुढील महिन्यात १६ ऑक्टोबरपासून सुरू होणाऱ्या टी-२० वर्ल्डकपला मुकणार असल्याचे वृत्त आहे. याबाबत बीसीसीआयने अधिकृत काहीही माहिती दिली नाही. टी-२० वर्ल्डकपसाठी बुमराहची जागा कोण घेणार हे देखील अद्याप बीसीसीआयकडून सांगण्यात आलेले नाही.