Video: बोल्ड कसं घ्यायचे हे बघून घ्या; सिराज, उमरानची वादळी गोलंदाजी, सुंदरने संधी सोडली नाही

ढाका: भारत आणि बांगलादेश यांच्यात दुसरी वनडे मॅच सुरू आहे. बांगलादेशने टॉस जिंकून प्रथम फलंदाजी करण्याचा निर्णय घेतला. मात्र हा निर्णय बांगलादेशसाठी अडचणीचा ठरला. भारतीय गोलंदाजांच्या भेदक माऱ्यासमोर त्यांची अवस्था ६ बाद ६९ अशी झाली होती. बांगलादेश शतकापर्यंत तरी पोहोचेल का अशी शंका वाटत असताना महमुदुल्ला आणि मेहदी हसन मिराज यांनी सातव्या विकेटसाठई १४६ धावांची भागिदारी करून संघाला २७१ धावांपर्यंत पोहोचवले. मिराजने अखेरच्या चेंडूवर शतक पूर्ण केले.

महमुदुल्ला आणि मिराज यांच्या भागिदारी आधी भारतीय गोलंदाजांनी अशी काही गोलंदाजी केली की, त्यासमोर बांगलादेशने हात जोडले. मोहम्मद सिराजने अनामुल हकला माघारी पाठवले. त्यानंतर कर्णधार लिटन दासची बोल्ड घेतली. सिराजचा हा चेंडू वेगाना आता आला जो दासला कळालाच नाही. हा चेंडू पाहून बांगलादेशचे सर्व खेळाडू अवाक झाले.

वाचा- गोलंदाजांची होणार बेदम धुलाई; सेहवागच्या मुलाची झाली BCCIच्या स्पर्धेत निवड


सिराजच्या या बोल्डनंतर उमरान मलिकने वेग काय असतो आणि बोल्ड कशी काढायची असते हे दाखवून दिले. १४व्या षटकात त्याने १५१ किमीच्या वेगाने चेंडू टाकला आणि शांन्तोची बोल्ड घेतली. यामुळे बांगलादेशची अवस्था ३ बाद ५२ अशी झाली.

वाचा- BAN vs IND 2nd ODI: मेहदी आणि महमुदुल्लाह नडले; बांगलादेशने भारताले दिले आव्हात्मक टार्गेट


सुंदरने दाणादाण उडवली

सिराज, मलिक यांच्यानंतर १६व्या षटकात गोलंदाजीला आलेल्या वॉशिंग्टन सुंदरने असे काही केले ज्याचा विचार बांगलादेशने कधीच केला नाही. त्याने पहिल्याच ओव्हरमध्ये शाकिबला बाद केले. तर १९व्या पाचव्या चेंडूवर मुश्फिकर रहीमला बाद केले. तर पुढच्याच चेंडूवर अफीफ हुसैन याची शून्यावर बोल्ड घेतली. सुंदरचा हा चेंडू असा काही पडला जो हुसैनला कळण्याच्या आत विकेटला लागला. हा चेंडू पाहून बांगलादेशचे सर्व खेळाडू हैराण झाले.