'माझा सुपरहिरो'; विराट कोहलीसाठी या खेळाडूने लिहली भावनिक पोस्ट

मुंबई: विराट कोहलीने भारतीय कसोटी संघाचे कर्णधारपद सोडल्यानंतर सर्व सहकारी खेळाडूंनी त्याच्यासाठी सोशल मीडियावर संदेश लिहिले. विराटसोबतच्या आपल्या आठवणींना उजाळा दिला. यामध्ये आता भारतीय संघातील वेगवान गोलंदाज मोहम्मद सिराजचीही भर पडली आहे. त्याने विराटसाठी एक भावनिक पोस्ट लिहिली आहे जी सध्या व्हायरल होत आहे. विराट माझ्यासाठी कायम कर्णधार राहिल, असे त्याने म्हटले आहे. सिराजच्या या पोस्टला चाहत्यांकडून पसंती मिळत आहे.

वाचा-राजीनाम्यानंतर BCCIची मोठी ऑफर विराटने नाकारली; म्हणाला, काही फरक पडत नाही

गेल्या वर्षी टी-२० संघाचे कर्णधारपद सोडल्यानंतर कोहलीला एकदिवसीय कर्णधारपदावरून वगळण्यात आले होते. यानंतर दक्षिण आफ्रिकेविरुद्धच्या कसोटी मालिकेतील पराभवानंतर दुसऱ्याच दिवशी संध्याकाळीच विराट कोहलीने अचानक कसोटी कर्णधारपद सोडण्याची घोषणा केली आणि संपूर्ण क्रिकेटविश्वाला धक्का बसला आहे.

वाचा- लवकरच गांगुली-शहा जोडीची BCCIमधून सुट्टी होणार; जाणून घ्या काय झाले

सिराजने आपल्या पोस्टमध्ये लिहिले आहे की, 'माझा सुपरहिरो, मला तुझ्याकडून मिळालेल्या समर्थन आणि प्रोत्साहनाबद्दल मी तुझे आभार मानू शकत नाही. तू माझ्यासाठी नेहमीच चांगला भाऊ राहिला आहेस, इतक्या वर्षात माझ्यावर विश्वास ठेवल्याबद्दल धन्यवाद. माझ्या वाईटातही तू चांगल्या गोष्टी पाहिल्या. तू नेहमीच माझा कर्णधार किंग कोहली राहशील.'

वाचा- क्रिकेटमध्ये नवा इतिहास घडला; कोणी विचार देखील केला नव्हता की 'हा' संघ ...

मोहम्मद सिराजच्या कारकिर्दीवर विराट कोहलीचा खूप मोठा प्रभाव राहिला आहे. विराटने सिराजला आयपीएलमध्ये आरसीबीकडून वारंवार संधी दिली आणि त्याची पाठराखण केली. यानंतर आंतरराष्ट्रीय स्तरावर कसोटी क्रिकेट प्रकारातही यश मिळवण्यासाठी त्याला प्रोत्साहनही दिले. कोहलीनेही अनेकदा सिराजच्या क्षमतेचे कौतुक केले आहे. यावरून दोन्ही खेळाडूंमधील घट्ट मैत्री स्पष्टपणे दिसून येते.

वाचा- विराटने अहंकार सोडावा, एक फलंदाज म्हणून त्याला...; विश्वचषक विजेत्या कर्णधाराचे...

दरम्यान, जसप्रीत बुमराहने मोहम्मद सिराजच्या फिटनेसबद्दल माहिती दिली. दक्षिण आफ्रिकेविरुद्धच्या दुसऱ्या कसोटी सामन्यात दुखापत झाल्यामुळे सिराजला एकदिवसीय मालिकेतूनही बाहेर जाण्याचा धोका होता. त्यामुळे बीसीसीआयने नवदीप सैनीचा पर्यायी खेळाडू म्हणून समावेश केला होता, पण सोमवारी (१७ जानेवारी) भारतीय एकदिवसीय संघाचा उपकर्णधार जसप्रीत बुमराहने सिराज तंदुरुस्त असल्याचे म्हटले आहे आणि तो एकदिवसीय सामन्यांमध्ये खेळताना दिसेल, अशी आशा व्यक्त केली.


बुमराह म्हणाला की, 'मला वाटते की, तो ठीक आहे. तो आमच्यासोबत सराव करत आहे. मला कोणतीही अडचण दिसत नाही. मला या क्षणी त्यांच्या फिटनेसबद्दल काहीही माहित नाही, पण असे दिसते की, सर्वजण ठीक आहेत.'