IND vs NZ तिसरी वनडे: पावसामुळे मॅच थांबली, DLS लागू झाल्यास भारत सामना जिंकेल का?

क्राइस्टचर्च: भारत आणि न्यूझीलंड यांच्यातील तिसरी आणि अखेरची वनडे सुरू आहे. भारताने प्रथम फलंदाजीकरत न्यूझीलंडसमोर २२० धावांचे लक्ष्य दिले आहे. न्यूझीलंडने १८ षटकात १ बाद १०४ धावा केल्या असून सध्या पावसामुळे सामना थांबवण्यात आला आहे.

डकवर्थ लुईस अर्थात DLS नियम लागू करण्यासाठी अजून २ ओव्हरची गरज आहे. जर पावसाने विश्रांती घेतली आणि दोन षटकांचा खेळ झाला तर न्यूझीलंडला DLS च्या नियमानुसार सुधारित लक्ष्य दिले जाऊ शकते. सध्या न्यूझीलंडचा संघ DLSच्या नियमानुसार ५० धावांनी पुढे आहे. याचाच अर्थ न्यूझीलंडला फक्त १२ चेंडू खेळून काढायचे आहेत. मात्र त्यासाठी पाऊस थांबला पाहिजे आणि दोन ओव्हरचा खेळ झाला पाहिजे. जर दोन ओव्हरचा खेळ झाला नाही म्हणजे २० षटके झाली नाही तर मॅच रद्द होईल.

वाचा- PAK vs ENG: अज्ञात व्हायरसचा हल्ला; पाकिस्तानात पोहोचताच इंग्लंडच्या १४ खेळाडू पडले आजारी


वाचा- सून मयंतीमुळे अडचणीत आले BCCIचे अध्यक्ष; रॉजर बिन्नी यांना नोटीस

तीन सामन्यांच्या मालिकेतील पहिली लढत न्यूझीलंडने जिंकली होती. दुसरी लढत पावसामुळे रद्द झाली. भारताला मालिका बरोबरीत सोडवण्यासाठी या सामन्यात विजय मिळवणे गरजेचे आहे. पण सध्याची परिस्थिती भारताच्या बाजूने असल्याचे दिसत नाही. आता देखील मॅच रद्द झाली किंवा DLSचा नियम लागू झाला तरी न्यूझीलंडचा फायदाच आहे. कारण दोन्ही परिस्थितीत मालिकेत त्यांचाच विजय निश्चित आहे.