अ‍ॅपशहर

अस कोणी रन आऊट होते का? भारतीय खेळाडूचा व्हिडिओ तुम्ही पाहाच

महिला वर्ल्डकप स्पर्धा तोंडावर आली असताना भारतीय महिला संघातील अनुभवी फलंदाज हरमनप्रीत कौरचा फॉर्म हा काळजीचा विषय झाला आहे. न्यूझीलंडविरुद्धच्या तिसऱ्या वनडेत ती अपयशी ठरली.

महाराष्ट्र टाइम्स.कॉम 18 Feb 2022, 6:12 pm
नवी दिल्ली: भारतीय महिला क्रिकेट संघाचा न्यूझीलंडविरुद्धच्या तिसऱ्या वनडेत पराभव झाला. यासह भारताने पाच सामन्यांची मालिका देखील गमावली. न्यूझीलंडने तिसऱ्या वनडेत ३ विकेटनी विजय मिळला आणि मालिकेत ३-० अशी विजयी आघाडी घेतली. भारताचा न्यूझीलंड दौऱ्यातील हा सलग चौथा पराभव आहे. वनडेच्या आधी एकमेव टी-२० सामन्यात भारताचा पराभव झाला होता.
महाराष्ट्र टाइम्स.कॉम हरमनप्रीत कौर धावबाद


वाचा- '२०१७ साली केलेल्या १७१ धावांच्या जोरावर अजून कसे संघात ठेवता येईल'; या दिग्गज खेळाडूला संघाबाहेर

तिसऱ्या वनडेत भारताची अनुभवी खेळाडू हरमनप्रीत कौर पुन्हा एकदा अपयशी ठरली. न्यूझीलंड दौऱ्यातील ३ वनडेत मिळून हरमनप्रीतला फक्त ३३ धावा करता आल्या आहेत. एकमेव टी-२० मध्ये देखील तिला खास कामगिरी करता आली नव्हती. तिसऱ्या वनडेत हरमनप्रीत अजब पद्धतीने धावबाद झाली. कौरने फ्रॅसेस मॅकायचा चेंडू क्रीझच्या पुढे येवून खेळला. कौरने मारलेला चेंडू थेट मॅकायच्या हातात गेला, तिने क्षणाचा विलंब न करता विकेटकीपर केटी मार्टिनकडे टाकला आणि तिने सहज कौरला धावबाद केले.

वाचा- सचिन विरुद्ध विराट, कोण सर्वोत्तम फलंदाज; परफेक्ट उत्तर देऊन सचिनने विषय संपवला

View this post on Instagram A post shared by Spark Sport (@sparknzsport)


वाचा- सचिन विरुद्ध विराट, कोण सर्वोत्तम फलंदाज; परफेक्ट उत्तर देऊन सचिनने विषय संपवला

हरमनप्रीतने तिसऱ्या वनडेत फक्त १३ धावा केल्या. याआधीच्या दोन लढतीत तिने प्रत्येकी १० धावा केल्या. तिच्या कामगिरीवर आता प्रश्नचिन्ह उपस्थित केले जात आहेत. कौरने भारतासाठी ११० वनडे खेळल्या आहेत. २०२१मध्ये द.आफ्रिकेविरुद्ध तिने अखेरचे अर्धशतक केले होते. वर्ल्डकपच्या आधी भारतासाठी कौरचा फॉर्म हा चिंतेचा विषय आहे. तिने २०१७च्या वर्ल्डकपमध्ये ऑस्ट्रेलियाविरुद्ध १७१ धावा करून मोठा विजय मिळवून दिला होता. त्यानंतर फायनलमध्ये इंग्लंडविरुद्ध ५१ धावांची खेळी केली होती. वर्ल्डकपनंतर तिला फक्त दोन अर्धशतक करता आली आहेत.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज