लंडन: 'स्टीव्ह स्मिथ कितीही चांगले क्रिकेट खेळला तरी चेंडू कुरतडण्याच्या त्याच्या कृतीमुळं तो क्रिकेटच्या इतिहासात नेहमी एक 'चीटर' म्हणूनच ओळखला जाईल,' अशी बोचरी टीका इंग्लंडचा माजी वेगवान गोलंदाज स्टीव्ह हार्मिसन यानं केली आहे.
ऑस्ट्रेलिया व इंग्लंडमध्ये सध्या अॅशेज क्रिकेट मालिका सुरू आहे. मालिकेतील चौथ्या सामन्यात आज ऑस्ट्रेलियानं इंग्लंडचा पराभव करत २-१ अशी आघाडी घेतली. स्टीव्ह स्मिथनं इंग्लंडच्या गोलंदाजांची यथेच्छ धुलाई करत या विजयात महत्त्वाचा वाटा उचलला. त्या पार्श्वभूमीवर रेडिओला दिलेल्या एका मुलाखतीत हार्मिसन यानं ही टीका केली.
'स्मिथला कधी माफ केलं जाईल असं मला वाटत नाही. एकदा तुमच्यावर विश्वासघाताचा शिक्का पडला की तीच तुमची ओळख होऊन जाते. स्मिथ, वॉर्नर आणि कॅमेरून या तिघांच्या बायोडाटामध्ये 'विश्वासघात' हा शब्द समाविष्ट झाला आहे. अंतिम क्षणापर्यंत ही ओळख त्यांच्यासोबत राहील. स्मिथनं काहीही करो, त्याची आठवण दक्षिण अफ्रिकेतील त्या कृत्यासाठीच काढली जाईल,' असं हार्मिसन म्हणाला.
अॅशेज मालिकेत स्मिथनं आतापर्यंत १३४.२ च्या सरासरीनं ६७१ धावा ठोकल्या आहेत. त्यात एका द्विशतकासह तीन खणखणीत शतकांचा समावेश आहे.
ऑस्ट्रेलिया व इंग्लंडमध्ये सध्या अॅशेज क्रिकेट मालिका सुरू आहे. मालिकेतील चौथ्या सामन्यात आज ऑस्ट्रेलियानं इंग्लंडचा पराभव करत २-१ अशी आघाडी घेतली. स्टीव्ह स्मिथनं इंग्लंडच्या गोलंदाजांची यथेच्छ धुलाई करत या विजयात महत्त्वाचा वाटा उचलला. त्या पार्श्वभूमीवर रेडिओला दिलेल्या एका मुलाखतीत हार्मिसन यानं ही टीका केली.
'स्मिथला कधी माफ केलं जाईल असं मला वाटत नाही. एकदा तुमच्यावर विश्वासघाताचा शिक्का पडला की तीच तुमची ओळख होऊन जाते. स्मिथ, वॉर्नर आणि कॅमेरून या तिघांच्या बायोडाटामध्ये 'विश्वासघात' हा शब्द समाविष्ट झाला आहे. अंतिम क्षणापर्यंत ही ओळख त्यांच्यासोबत राहील. स्मिथनं काहीही करो, त्याची आठवण दक्षिण अफ्रिकेतील त्या कृत्यासाठीच काढली जाईल,' असं हार्मिसन म्हणाला.
अॅशेज मालिकेत स्मिथनं आतापर्यंत १३४.२ च्या सरासरीनं ६७१ धावा ठोकल्या आहेत. त्यात एका द्विशतकासह तीन खणखणीत शतकांचा समावेश आहे.