पाकिस्तानचा खेळाडू पत्रकाराच्या प्रश्नावर सरेंडर, इंग्लिश ऐकून तुम्हीही हसाल, पाहा धमाल Video

कराची : पाकिस्तानच्या खेळाडूंचं इंग्रजी कसं आहे, याचे जोक्स आतापर्यंत तुम्ही ऐकले असतील. पण असाच एक प्रकार आता सध्या सुरु होणाऱ्या इंग्लंडविरुद्धच्या मालिकेपूर्वी पाहायला मिळाला. कारण इंग्लंडच्या एका पत्रकाराने पाकिस्तानच्या खेळाडूला एक प्रश्न विचारला, त्यावर त्याने जे काही उत्तर दिले त्यानंतर एकच हशा पिकला. या गोष्टीचा व्हिडिओ सध्याच्या घडीला क्रिकेट विश्वात चांगलाच व्हायरल झाला आहे.

इंग्लंडचा संघ पाकिस्तानच्या दौऱ्यावर आला आहे. या दोन्ही संघांत क्रिकेट मालिका सुरु होणार आहे. पण त्यापूर्वी पाकिस्तानचा गोलंदाज नसीम शाह हा पत्रकार परिषदेमध्ये आला होता. यावेळी इंग्लंडच्या एका पत्रकाराने त्याला क्रिकेटबाबत एक प्रश्न विचारला. या प्रश्नानंतर या नसीन शाहची बोलतीच बंद झाल्याचे पाहायला मिळाले. या प्रश्नावर नसीमला कोणतेच उत्तर देता आले नाही. इंग्लंडच्या पत्रकाराने नसीम शाहला यावेळी त्याच्या गोलंदाजीविषयी प्रश्न विचारला. त्यानंतर नसीमला नेमकं काय बोलावं हे समजलं नाही. त्यावेळी तो म्हणाला की, " माझं इंग्शिल आता संपलेलं आहे, कारण मला जास्त इंग्लिश येत नाही. जेवढं येतं तेवढं माझं बोलून झालं आहे. आता मला इंग्लिश बोलता येणार नाही." नसीन जेव्हा असं बोलला तेव्हा एकच हशा पिकला. कारण नसीनच्या या उत्तरावर नेमकं काय बोलावं, हे कोणालाच समजलं नाही.

सध्याच्या घडीला नसीम हा पाकिस्तानसाठी अव्वल गोलंदाज आहे. कारण पाकिस्तानचा वेगवान गोलंदाज शाहीन आफ्रिदी हा दुखापतग्रस्त आहे. त्यामुळे तो या मालिकेत खेळणार नाही. त्यामुळे नसीमवर मोठी जबाबदारी असणार आहे. त्यामुळे नसीम हा पाकिस्तानसाठी हुकमी एक्का आहे. टी-२० विश्वचषकात पाकिस्तानने फायनलमध्ये मजल मारली होती. पण त्यांना जेतेपद पटकावता आले नाही. त्यामुळे आता त्या गोष्टीचा बदला पाकिस्तानला घेता येऊ शकतो. त्यामुळे या मालिकेत आता पाकिस्तानचा संघ आपल्या मातीतल इंग्लंडच्या संघाचा पराभव करतो का, याकडे सर्वांचे लक्ष लागलेले असणार आहे. त्याचबरोबर नसीम शाहची भूमिकाही पाकिस्तानसाठी मोलाची ठरणार आहे.