पुणे: क्रिकेटला एखाद्या धर्माचं स्वरूप असलेल्या भारतासारख्या देशात क्रिकेटपटूंकडं देव म्हणून पाहणं हे नवीन नाही. याच क्रिकेटवेडातून मग अनेकदा विचित्र प्रकार घडतात. आज पुन्हा याचा प्रत्यय आला. खेळ सुरू असताना रोहित शर्माचा एका चाहता अचानक मैदानात घुसला आणि रोहितच्या पाया पडला. अचानक पायावर आलेल्या या चाहत्याला चुकवण्याच्या प्रयत्नात रोहितचा तोल गेला आणि तोही खाली पडला. मैदानातील या विचित्र क्षणाचे फोटो सध्या सर्वत्र व्हायरल होत आहेत.
दक्षिण आफ्रिका सर्वबाद २७५; भारताला मोठी आघाडी
पुण्यातील गहुंजे इथं महाराष्ट्र क्रिकेट असोसिएशनच्या मैदानावर सध्या भारत विरुद्ध दक्षिण आफ्रिकेमध्ये दुसरा कसोटी सामना सुरू आहे. दुसऱ्या दिवशी म्हणजेच शुक्रवारी भारतानं आपला डाव ६०१ धावांवर घोषित केल्यानंतर आज आफ्रिकेची फलंदाजी सुरू होती. पहिल्या कसोटी सामन्यात सलग दोन शतकं झळकावणारा भारताचा धडाकेबाज फलंदाज रोहित शर्मा स्लिपमध्ये क्षेत्ररक्षण करत होता. सेन्युरन मुथुसामी बाद झाल्यानंतर भारतीय खेळाडू नव्या गड्याची वाट पाहत होते. त्याचवेळी एक चाहता अचानक मैदानाभोवतीचे सुरक्षाकडे भेदून खेळपट्टीपर्यंत आला आणि रोहितचे पाय धरू लागला. अचानक घडलेल्या या प्रकारामुळं रोहित बावरला. तो त्याला चुकवू लागला. मात्र, हट्टाला पेटलेला हा चाहता त्याचे पाय धरण्याचा प्रयत्न करू लागला. त्याला चुकवण्याच्या प्रयत्नात रोहितचा तोल गेला आणि त्यानं कोलांटीउडी खाल्ली.
व्हेर्नन फिलांदर असं या चाहत्याचं नाव असल्याचं समोर आलंय. सुरक्षा रक्षकांनी त्याला ताब्यात घेतलं. मात्र, या प्रकारामुळं खेळाडूंच्या सुरक्षेचा मुद्दा ऐरणीवर आला आहे. माजी कसोटीपटू सुनील गावसकर यांनी या प्रकाराबद्दल तीव्र नाराजी व्यक्त केली आहे.
'सुरक्षा रक्षक गर्दीवर लक्ष ठेवण्याचं सोडून सामना बघत असल्यामुळं अशा घटना घडतात. भारतामध्ये ही एक मोठीच अडचण आहे. सुरक्षा रक्षक हे सामना सुरळीत पार पाडण्यासाठी असतात. फुकटात सामना पाहण्यासाठी नव्हे,' असं गावसकर यांनी म्हटलं आहे. 'मला वाटतं सुरक्षा रक्षकांवरही एका कॅमेऱ्याची नजर असायला हवी. ते नेमकं काय करतात हे कळायला हवं. हे धोकादायक आहे. अशानं कुणीही खेळाडूला इजा पोहोचवू शकतो. यापूर्वीही असं झालंय. आपण हा धोका कशासाठी पत्करायचा,' असा प्रश्न गावसकर यांनी उपस्थित केला आहे.
दक्षिण आफ्रिका सर्वबाद २७५; भारताला मोठी आघाडी
पुण्यातील गहुंजे इथं महाराष्ट्र क्रिकेट असोसिएशनच्या मैदानावर सध्या भारत विरुद्ध दक्षिण आफ्रिकेमध्ये दुसरा कसोटी सामना सुरू आहे. दुसऱ्या दिवशी म्हणजेच शुक्रवारी भारतानं आपला डाव ६०१ धावांवर घोषित केल्यानंतर आज आफ्रिकेची फलंदाजी सुरू होती. पहिल्या कसोटी सामन्यात सलग दोन शतकं झळकावणारा भारताचा धडाकेबाज फलंदाज रोहित शर्मा स्लिपमध्ये क्षेत्ररक्षण करत होता. सेन्युरन मुथुसामी बाद झाल्यानंतर भारतीय खेळाडू नव्या गड्याची वाट पाहत होते. त्याचवेळी एक चाहता अचानक मैदानाभोवतीचे सुरक्षाकडे भेदून खेळपट्टीपर्यंत आला आणि रोहितचे पाय धरू लागला. अचानक घडलेल्या या प्रकारामुळं रोहित बावरला. तो त्याला चुकवू लागला. मात्र, हट्टाला पेटलेला हा चाहता त्याचे पाय धरण्याचा प्रयत्न करू लागला. त्याला चुकवण्याच्या प्रयत्नात रोहितचा तोल गेला आणि त्यानं कोलांटीउडी खाल्ली.
व्हेर्नन फिलांदर असं या चाहत्याचं नाव असल्याचं समोर आलंय. सुरक्षा रक्षकांनी त्याला ताब्यात घेतलं. मात्र, या प्रकारामुळं खेळाडूंच्या सुरक्षेचा मुद्दा ऐरणीवर आला आहे. माजी कसोटीपटू सुनील गावसकर यांनी या प्रकाराबद्दल तीव्र नाराजी व्यक्त केली आहे.
'सुरक्षा रक्षक गर्दीवर लक्ष ठेवण्याचं सोडून सामना बघत असल्यामुळं अशा घटना घडतात. भारतामध्ये ही एक मोठीच अडचण आहे. सुरक्षा रक्षक हे सामना सुरळीत पार पाडण्यासाठी असतात. फुकटात सामना पाहण्यासाठी नव्हे,' असं गावसकर यांनी म्हटलं आहे. 'मला वाटतं सुरक्षा रक्षकांवरही एका कॅमेऱ्याची नजर असायला हवी. ते नेमकं काय करतात हे कळायला हवं. हे धोकादायक आहे. अशानं कुणीही खेळाडूला इजा पोहोचवू शकतो. यापूर्वीही असं झालंय. आपण हा धोका कशासाठी पत्करायचा,' असा प्रश्न गावसकर यांनी उपस्थित केला आहे.