रवींद्र जडेजाला मस्ती नडली... क्रिकेट खेळताना नाही तर कशामुळे झाली दुखापत, जाणून घ्या सत्य...

मुंबई : रवींद्र जडेजाला आता ट्वेन्टी-२० विश्वचषक खेळता येणार नाही, हे स्पष्ट झाले आहे. पण जडेजाला झालेली ही दुखापत क्रिकेटचा सराव करताना किंवा सामना खेळताना झालेली नाही. त्यामुळे बीसीआयने त्याला चांगलीच चपराक दिली आहे. जडेजाला ही दुखापत नेमकी कशी आणि कुठे झाली, याचं खरं कारण आता समोर आले आहे.

काही दिवसांपूर्वी जडेजाला दुखापत झाली होती आणि त्याच्या गुडघ्यांवर शस्त्रक्रीया करण्यात आली. या दुखापतीमधून सावरण्यासाठी जडेजाला मोठा कालावधी लागणार आहे. त्यामुळे तो विश्वचषकात खेळणार नाही. पण आता जडेजाला दुखापत नेमकी कशी आणि कधी झाली, याची माहिती बीसीसीआयच्या अधिकाऱ्यांनी दिली आहे.

जडेजा हा काही दिवसांपूर्वी अ‍ॅडवेंचर अ‍ॅक्टिविटी करण्यासाठी गेला होता. या अ‍ॅक्टिविटीमध्ये जडेजाला स्की-बोर्डवर बॅलन्स करायचा होता. हा बॅलन्स करत असताना जडेजाला दुखापत झाली. ही दुखापत काही काळ त्याने कळवली नव्हती. पण जेव्हा जडेजा हा आशिया चषक खेळण्यासाठी आला तेव्हा ही कल्पना त्याने कोणाला दिली नव्हती, अशी माहिती समोर येत आहे. त्यामुळे जडेजाला खेळवण्याच निर्णय भारतीय संघाने घेतला. जडेजा जेव्हा आशिया चषकातील पहिला सामना खेळण्यासाठी मैदानात उतरला तेव्हा त्याची ही दुखापत अजून बळावली. पण तरीही त्याने ही गोष्ट गंभीरपणे घेतली नाही. त्या नंतरही आपण दुसऱ्या सामन्यासाछी उपलब्ध असल्याचे त्याने संघ व्सवस्थापनाला कळवले. पुन्हा एकदा जडेजाने ही दुखापत पुन्हा एकदा लपवून ठेवली. त्यामुळे तो दुसरा सामनाही खेळला आणि त्यानंतर जडेजाला खेळणे अशक्य असल्याचे वाटायला लागले. त्यानंतर जडेजाने ही गोष्ट गंभीरपणे घेतली आणि त्यानंतर आपण शस्त्रक्रीया करायला हवी, असं त्याला वाटलं. त्यानंतर ही गोष्ट त्याने भारतीय संघाला कळवली आणि त्याच्यावर शस्त्रक्रीया करण्याचा निर्णय घेण्यात आला.

ही गोष्ट जेव्हा बीसीसीआयला समजली तेव्हा त्यांनी बीसीसीआयला फटकारले. बीसीसीआय आणि निवड समिती यांनी ही गोष्ट गंभीरपणे घेतली. त्यामुळेच जडेजाला थेट संघातून बाहेरचा रस्ता दाखवण्यात आला. यावेली बीसीसीआयकडे जडेजाबाबत एक पर्याय खुला होता. जडेजाला ते फिटनेसच्या मुद्द्यावर भारतीय संघात घेऊ शकत होते. विश्वचषकापूर्वी जडेजाने फिटनेस टेस्ट पास केली तर त्याला संघात स्थान देऊ, असे बीसीसीआय किंवा निवड समितीला सांगता आले असते. पण जडेजाने यावेळी ही गोष्ट लपवल्यामुळे त्यावा बीसीसीआय आणि निवड समिती यांनी थेट बाहेरचा रस्ता दाखवला आहे.