माझा रेकॉर्ड खराब नाही... हर्षा भोगलेंच्या त्या प्रश्नावर LIVE सामन्यातच ऋषभ पंत भडकला

क्राइस्टचर्च: भारत आणि न्यूझीलंड यांच्यातील तिसऱ्या वनडे सामन्यात ऋषभ पंतला संघात काय ठेवले होते. त्याचा फॉर्म बघता ऋषभला सांघातून वगळण्याची मागणी होत आहे. तिसऱ्या वनडे सामन्यातही पंतच्या बॅटने पुन्हा एकदा निराशा केली. तो केवळ १० धावा करून बाद झाला. त्याने १६ चेंडूंचा सामना करताना २ चौकार मारले. यामुळे तो पुन्हा एकदा टीकाकारांच्या निशाण्यावर आला आहे. तसेच, त्याचा एक व्हिडिओ व्हायरल होत आहे, जो सामन्यापूर्वीचा आहे.

पावसामुळे टॉसला उशीर झाला आणि हर्षा भोगले ऋषभशी संवाद साधताना दिसले. यादरम्यान ऋषभ पंत त्याच्या कटू प्रश्नावर तणावात पडला आणि त्याने हर्षा भोगले यांना सुनावले. याचा व्हिडीओ सगळीकडेच व्हायरल झाला आहे.

वाचा: IND v NZ 3rd ODI LIVE - भारत विरुद्ध न्यूझीलंड तिसऱ्या वनडे सामन्याचे लाईव्ह अपडेट्स

मालिकेत कॉमेंट्री करणाऱ्या हर्षा भोगले यांनी ऋषभ पंतला त्याच्या फॉर्मबद्दल प्रश्न विचारला होता. त्यांनी विचारले- मी अनेक वर्षांपूर्वी वीरूला प्रश्न विचारला होता. आता मी तुला विचारत आहे; पांढऱ्या चेंडूने खेळणे ही तुझी खासियत असावी, पण तुझा कसोटी रेकॉर्ड सर्वोत्तम आहे. यावर ऋषभ पंत म्हणतो - रेकॉर्ड हा एक नंबर आहे. माझा पांढऱ्या चेंडूचा रेकॉर्डही वाईट नाही. टी-२० पण ठीक आहे.

हेही वाचा: आता हे अति झालं! शिखर धवनने संजू सॅमसनला संधी न दिल्याने चाहत्यांचा संताप अनावर

यावर हर्षा म्हणतात - मी वाईट म्हणत नाहीये. मी तुलना करत आहे यावर पंत म्हणला - तुलना करणे हा माझ्या आयुष्याचा अजिबात भाग नाही. आता मी २४-२५ वर्षांचा आहे. तुम्हाला तुलना करायची असेल तर मी ३०-३२ वर्षांचा होईन तेव्हा करा. त्याआधी तुलना करणे यात मला तरी तथ्य वाटतं नाही.


वाचा: संजू सॅमसनला संघातून वगळल्याने काँग्रेसचा बडा नेता भडकला, ऋषभ पंतवर राग काढत म्हणाला...

ऑस्ट्रेलियातील कसोटी मालिकेत हिरो ठरलेल्या ऋषभ पंतचा पांढऱ्या चेंडूचा रेकॉर्ड खराब आहे. टी-२० विश्वचषकामध्येही तो फार काही करू शकला नाही, तर त्यानंतर न्यूझीलंडविरुद्धच्या टी-२० मालिकेत त्याची बॅट शांत राहिली. सलामीची संधी मिळताच त्याने ६ आणि ११ धावा केल्या. त्यानंतर पहिल्या एकदिवसीय सामन्यात तो १५ धावांवर बाद झाला. तर तिसऱ्या एकदिवसीय सामन्यात तो १० धावा करत बाद झाला.

दुसरीकडे, वनडे करिअरमध्ये ६६ च्या सरासरीने धावा करणारा संजू सॅमसन बाहेर बेंचवर बसला आहे. यावरून सर्वच दिग्गजांनी संघ व्यवस्थापनावर टीका केली आहे. काँग्रेसचे ज्येष्ठ नेते शशी थरूर यांनीही ट्विट करून संताप व्यक्त केला आहे.