Rohit Sharma Daughter: तीन वर्षाच्या समायराने दिले रोहित शर्माचे हेल्थ अपडेट; पाहा व्हिडिओ

बर्मिंघम: भारतीय संघ इंग्लंड दौऱ्यावर असून कर्णधार रोहित शर्मा (Rohit Sharma Covid Positive) ला करोनाची लागण झाली आहे. टीम इंडियाला इंग्लंडविरुद्ध एक जुलैपासून कसोटी मालिका खेळायची आहे. करोनामुळे रोहितला कसोटीत खेळता येईल असे वाटत नाही. तो सध्या आयसोलेशनमध्ये आहे.

रोहित शर्माची प्रकृतीचे अपडेट बीसीसीआयकडून दिले नसले तरी त्याची ३ वर्षाची मुलगी समायराने (Rohit Sharma's Daughter) वडिलांच्या तब्येतीची माहिती दिली आहे. समायराचा एक व्हिडिओ सोशल मीडियावर व्हायरल झाला आहे. या व्हिडिओमध्ये एक चाहता तिला रोहितची प्रकृती कशी आहे विचारतो त्यावर समायरा वडील रोहितच्या प्रकृतीचे अपडेट देते.

वाचा- अखरेच्या चेंडूपर्यंत रंगलेल्या सामन्यात अखेर भारताचा विजय, आयर्लंडने चांगलेच नाचवले

हॉटेलच्या लॉबीमध्ये समायरा तिच्या आई रीतिका सोबत जात होती. तेव्हा एका चाहत्याने हा प्रश्न विचारला. त्यावर ती म्हणते, 'पापा त्यांच्या रुममध्ये झोपले आहेत. ते ऑलमोस्ट कोव्हिड पॉझिटिव्ह आहेत. रुममध्ये फक्त एका व्यक्तीला राहण्याची परवागी आहे.' समायराचा हा गोड व्हिडिओ सोशल मीडियावर सर्वांना आवडला आहे.


इंग्लंड दौऱ्यावर गेलेल्या भारतीय संघाने काही दिवसांपूर्वी लिसेस्टशायरविरुद्ध सराव सामना खेळला होता. सराव सामन्यात दुसऱ्या डावात रोहित मैदानात दिसला नव्हता. त्यानंतर त्याला करोना झाल्याची माहिती समोर आली होती. रोहितच्या जागी भारताने मयांक अग्रवालचा संघात समावेश करून घेतला आहे.

वाचा- विराट कोहलीला प्रपोज करणाऱ्या सुंदरीबरोबर डेटिंग करतोय अर्जुन तेंडुलकर, फोटो व्हायरल

दोन्ही संघात गेल्या वर्षी पाच सामन्यांची कसोटी मालिका झाली होती. त्यापैकी अखेरची कसोटी पुढे ढकलण्यात आली होती. मालिकेत भारत २-१ने आघाडीवर आहे. त्यामुळे ही कसोटी ड्रॉ जरी झाली तरी भारत मालिका जिंकू शकतो. कसोटीनंतर भारत प्रत्येकी ३ सामन्यांची टी-२० आणि वनडे मालिका खेळणार आहे.