दुसऱ्या टी-२० सामन्याआधी चाहत्यांना रोहित शर्माची भीती; कशामुळे वाढतय टेन्शन, वाचा झालंय तरी काय

गुवाहाटी: ऑस्ट्रेलियात या महिन्यात १६ तारखेपासून टी-२० वर्ल्डकप सुरू होत आहे. वर्ल्डकपच्या आधी भारतीय संघ २ टी-२० सामने खेळणार आहे. दक्षिण आफ्रिकेचा संघ सध्या भारत दौऱ्यावर असून दोन्ही संघात तिरुवनंतपुरम येथे पहिली मॅच झाली आता दुसरी मॅच उद्या म्हणजे २ ऑक्टोबर रोजी गुवाहाटी येथे होणार आहे.

पहिल्या सामन्यात भारताचा कर्णधार रोहित शर्मा(Rohit Sharma )ला धावा करता आल्या नाहीत. रबाडाच्या एका स्विंग चेंडूवर तो बाद झाला. भारतीय चाहत्यांना आशा असेल की तो दुसऱ्या सामन्यात जोरदार कमबॅक करेल. मात्र आतपर्यंतचे रेकॉर्ड्स त्याच्या बाजूने नाहीत.

वाचा- बुमराहच्या जागी संघात कोण? BCCIने जाहीर केले या खेळाडूचे नाव

दक्षिण आफ्रिकेविरुद्ध हिटमॅन नेहमीच अपयशी ठरल्याचे दिसून आले आहे. गेल्या सात सामन्यात रोहितला दोन वेळा खाते देखील उघडता आले नाही. २००७ पासून ते आतापर्यंत दक्षिण आफ्रिकेविरुद्ध रोहितने १४ टी-२० सामने खेळले आहेत. त्यापैकी १३ डावात ३६२ धावा केल्या आहेत. त्याची सरासरी ३०.१६ असून ही करिअरच्या सरासरीपेक्षा (३२.१४) कमी आहे. १४१.०४च्या स्ट्राइक रेटने धावा करणारा रोहित आफ्रिकेविरुद्ध १३३.०८ने धावा करतो.

वाचा-१०७ धावांचे टार्गेट असून देखील रोहित घाबरला होता; मॅच झाल्यानंतर एका वाक्यात केला...

टी-२० क्रिकेटमध्ये रोहितने त्याच्या नेृत्वाखाली सलग १६ विजय मिळवले आहेत. यासह एका वर्षात भारतीय संघाला सर्वाधिक विजय मिळून देणारा कर्णधार होण्याचा विक्रम त्याच्या नावावर झाला आहे. याआधी हा विक्रम महेंद्र सिंह धोनीच्या नावावर होता. धोनीने २०१६ साली १५ सामने जिंकून दिले होते.