ऋतुराज गायकवाडचे विक्रमी शतक; नाबाद २२० नंतर केली पुन्हा एकदा वादळी खेळी

नवी दिल्ली: विजय हजारे ट्रॉफीच्या सेमीफायनल मॅचमध्ये ऋतुराज गायकवाडने पुन्हा एकदा धमाका केला. आसामविरुद्धच्या सामन्यात ऋतुराजने १२५ चेंडूत १६८ धावा केल्या. यात १४ चौकार आणि ६ षटकारांचा समावेश होता.

याआधी ऋतुराजने क्वार्टरफायनल मॅचमध्ये ऋतुराजने एका ओव्हरमध्ये ७ षटकार मारले होते आणि २२० धावांची खेळी केली होती. सेमीफायनल लढतीत ऋतुराजला द्विशतक करता आले नाही पण त्याने गोलंदाजांची धुलाई मात्र केली. या सामन्यात ऋतुराजने १३३.३३च्या स्ट्राइक रेटने धावा केल्या. त्याने फक्त ८८ चेंडूत शतक पूर्ण केले.

वाचा- PAK vs ENG: अज्ञात व्हायरसचा हल्ला; पाकिस्तानात पोहोचताच इंग्लंडचे १४ खेळाडू...

विजय हजारे स्पर्धेच्या या हंगामात ऋतुराजने ९ डावात ६ शतक आणि १ द्विशतक केले आहे.

२०२१पासून विजय हजारे ट्रॉफीत ऋतुराजची कामगिरी

११२ चेंडूत १३६ धावा
१४३ चेंडूत नाबाद १५४ धावा
१२९ चेंडूत १२४ धावा
१८ चेंडूत २१ धावा
१३२ चेंडूत १६८ धावा
१२३ चेंडूत नाबाद १२४ धावा
४२ चेंडूत ४० धावा
१५९ चेंडूत नाबाद २२० धावा
१२६ चेंडूत १६८ धावा

वाचा- IND vs NZ तिसरी वनडे: पावसामुळे मॅच थांबली, DLS लागू झाल्यास भारत सामना...

गेल्या सामन्यात ऋतुराजने उत्तर प्रदेशविरुद्ध २२० धावांची वादळी खेळी केली होती. यात त्याने गोलंदाज शिव सिंहच्या एका ओव्हरमध्ये ४३ धावा केल्या होत्या, यात ७ षटकारांचा समावेश होता. ऋतुराजच्या आधी २०१८ साली फोर्ड ट्रॉफीत नार्दर्न डिस्ट्रिक्ट्सकडून ब्रेट हॅम्पटन आणि जो कार्टर यांनी एका ओव्हरमध्ये इतक्या धावा केल्या होत्या.