अ‍ॅपशहर

Video: पाकिस्तानच्या क्रिकेटपटूकडून तिरंग्याचा अपमान; होऊ शकते ३ वर्षाचा तुरुंगवास आणि दंड

Shahid Afridi: पाकिस्तानचे माजी खेळाडू अनेक वेळा भारताविरोधात बोलत असतात. आता एका क्रिकेट स्पर्धेत पाकिस्तानच्या माजी क्रिकेटपटूने तिरंग्याचा अपमान केल्याचे समोर आले आहे.

Authored byजयकृष्ण नायर | महाराष्ट्र टाइम्स.कॉम 20 Mar 2023, 8:48 am
दोहा: कतारमध्ये सध्या लिजेंड्स लीग मास्टर्स क्रिकेट स्पर्धा सुरू आहे. यात भारत आणि पाकिस्तान या दोन्ही देशातील खेळाडूंचा समावेश आहे. पाकिस्तानमधील अनेक माजी खेळाडू भारताबद्दल काहीही बरळत असतात. असे असले तरी भारतीय चाहत्यांकडून त्यांना नेहमी चांगली वागणूक दिली जाते. त्यामुळेच पाकिस्तानी खेळाडू भारतीय चाहत्यांना खुश करण्याचा प्रयत्न करत असतात.
महाराष्ट्र टाइम्स.कॉम shahid afridi


कतारमध्ये सुरू असलेल्या लिजेंड्स लीग मास्टर्स स्पर्धेत पाकिस्तानच्या शाहिद आफ्रिदीने एक मोठी चूक केली. सामना झाल्यानंतर एका भारतीय चाहत्याने आफ्रिदीकडे ऑटोग्राफसाठी तिरंगा दिला आणि आफ्रिदीने देखील कोणताही विचार न करता थेट त्यावर स्वाक्षरी दिली.

पाकिस्तान क्रिकेटच्या अधिकृत twitterवरून एक व्हिडिओ पोस्ट करण्यात आला आहे. ज्यात एका सुरक्षारक्षकाने भारतीय चाहत्याने दिलेला तिरंगा आफ्रिदीकडे दिला. भारतीय चाहत्याला खुश करण्याच्या प्रयत्नात आफ्रिदीने तिरंगा स्वत:च्या मांडीवर ठेवला आणि त्यावर स्वाक्षरी केली. प्रोटोकॉलनुसार आफ्रिदीने तिरंग्याचा अपमान केला.


इंडियन फ्लॅग कोड २००२ मध्ये राष्ट्रीय ध्वजा संदर्भात गोष्टी स्पष्टपणे सांगितल्या गेल्या आहेत. भारताच्या राष्ट्रीय ध्वजाबाबत काही गोष्टींचे पालन करणे आवश्यक आहे. यातील सर्वात महत्त्वाची गोष्ट म्हणजे तिरंग्यावर काहीही लिहता येत नाही. आफ्रिदीने तिरंग्यावर स्वाक्षरी करून हा नियम मोडला. त्याच बरोबर तिरंग्याला पाय देऊन अपमान देखील केला.

Sachin Tendulkar: सचिनने सुचवली भन्नाट आयडिया; वनडे क्रिकेट होणार टी-२० पेक्षा थरारक आणि रंजक
नियमानुसार ध्वजावर कोणत्याही पद्धतीचे अक्षर लिहिता येत नाही. तिरंग्याचा कोणताही भाग जळवणे, त्याचे नुकसान करणे, बोलून किंवा शब्दाने त्याचा अपमान केल्यास ३ वर्षाची शिक्षा आणि दंड होऊ शकतो. शाहिद आफ्रिदीकडून अशा प्रकारची चूक होण्याची ही पहिली घटना नाही. याआधी स्वित्झर्लंड येथे झालेल्या क्रिकेट स्पर्धेत त्याने तिरंग्यावर स्वाक्षरी दिली होती.
लेखकाबद्दल
जयकृष्ण नायर
जयकृष्ण नायर, महाराष्ट्र टाइम्समध्ये Senior Digital Content Producer आहेत. महाविद्यालयात युवा सकाळमधून त्यांनी पत्रकारितेची सुरुवात केली. २००९ पासून ते ऑनलाइन पत्रकारीतेत आहेत. प्रहार, स्टार माझा, न्यूज १८ लोकमत अशा वेबसाइटसाठी त्यांनी काम केले आहे. देश, विदेश आणि तंत्रज्ञान यासोबत क्रीडा विषयात त्यांची आवड आहे.... आणखी वाचा

महत्वाचे लेख