श्रेयस अय्यरचा विक्रमी धमाका; डे-नाईट कसोटीत इतिहास घडवला

बेंगळुरू: श्रीलंकेविरुद्धच्या दुसऱ्या कसोटी सामन्यात भारताने आघाडी ४०० धावांच्या पुढे नेली आहे. श्रीलंकेचा पहिल्या डावात फक्त १०९ धावांवर ऑलआउट करून आणि दुसऱ्या डावात मोठी आघाडी घेतल्याने भारताने सामन्यावर मजबूत पकड मिळवली आहे. भारताकडून दुसऱ्या डावात श्रेयस अय्यरने एक अनोखा विक्रम केला.

वाचा- IND vs SL: जसप्रीत बुमराहची कमाल; भारतीय मैदानावर प्रथमच केली अशी कामगिरी

डे-नाईट कसोटी क्रिकेटच्या इतिहासात आजवर काही मोजक्या खेळाडूंना करता आलेली कामगिरी श्रेयस अय्यरने करून दाखवली. भारताच्या दुसऱ्या डावात विराट कोहली बाद झाल्यानंतर फलंदाजीला आलेल्या श्रेयसने ६९ चेंडूत अर्धशतक पूर्ण केले. या सामन्यातील त्याचे हे दुसरे अर्धशतक ठरले. याआधी पहिल्या डावात त्याने ९२ धावा केल्या होत्या. डे-नाईट कसोटीत दोन्ही डावात ५० हून अधिक धावा करणारा तो भारताचा पहिला फलंदाज ठरला तर जगातील पाचवा फलंदाज ठरलाय. श्रेयसच्या आधी वेस्ट इंडिजच्या ड्वेन ब्राव्हो, ऑस्ट्रेलियाचा स्टीव्ह स्मिथ, ऑस्ट्रेलियाचाच मार्नस लाबुशेन याने दोन वेळा अशी कामगिरी केली आहे.

वाचा- ऑस्ट्रेलियाच्या खेळाडूने पाकिस्तान क्रिकेट बोर्डाची इज्जत काढली; पाहा काय झाले

श्रेयस अय्यरने गेल्या वर्षी न्यूझीलंडविरुद्ध कसोटी क्रिकेटमध्ये पदार्पण केले होते. पदार्पणाच्या कसोटीतील पहिल्या डावात त्याने शतक झळकावले होते. पहिल्या कसोटीत शतक आणि अर्धशतक करणारा तो भारताचा पहिला फलंदाज ठरला होता.

वाचा- रोहित शर्माच्या षटकाराने प्रेक्षक जखमी; नाकाचे हाड झाले फॅक्चर

डे-नाईट कसोटीत दोन्ही डावात ५० हून अधिक धावा करणारे फलंदाज

१) ड्वेन ब्राव्हो- ८७ आणि ११६ पाकिस्तानविरुद्ध २०१६
२) स्टीव्ह स्मिथ- १३० आणि ६३, पाकिस्तानविरुद्ध २०१६
३) मार्नस लाबुशेन- १४३ आणि ५० विरुद्ध न्यूझीलंड २१०९
४) मार्नस लाबुशेन- १०३ आणि ५१ विरुद्ध इंग्लंड २०२१
५) श्रेयस अय्यर- ९२ आणि नाबाद विरुद्ध श्रीलंका २०२२