श्रेयस अय्यरही 'टम टम' गाण्यावर थिरकला, कोण आहे ही क्रिकेटरची डान्स पार्टनर तरूणी?

मुंबई: सोशल मीडियावर रोज अनेक व्हिडीओ व्हायरल होत असतात. इंस्टाग्रामवरील रिल्स तर कायमच सगळ्यांचे लक्ष वेधून घेतात. इंस्टाग्राम युजर्सपासून ते कलाकारही प्रसिद्ध आणि व्हायरल व्हिडीओवर रिल्स बनवताना दिसतात. सध्या सोशल मीडियावर 'टम टम' गाण्यावरील व्हिडीओ खूप पाहायला मिळत आहेत. सगळ्यांनाच या गाण्याचं जणू वेड लागलं आहे. आता या गाण्यावर आपला डान्स व्हिडीओ बनवण्याचा मोह भारताचा दमदार फलंदाज श्रेयस अय्यरलाही आवरला नाही. या व्हिडिओमध्ये एका तरुणीसोबत तो या गाण्यावर थिरकला आहे.

'टम टम' गाण्यावर थिरकला श्रेयस अय्यर

श्रेयस अय्यरचा तसा हा व्हायरल गाण्यावरील पहिला व्हिडीओ नाही. तो अनेकदा आपल्या डान्सचे व्हिडीओ शेअर करत असतो. चाहतेही त्याच्या या या व्हिडीओला भरभरून प्रेम देतात. लाईक्स आणि कमेंट्सचा वर्षाव करत असतात. असाच श्रेयसचा अजून एक व्हिडीओ समोर आला आहे ज्यात तो 'टम टम' या तमिळ गाण्यावर हुक स्टेप्स करताना दिसत आहे. या व्हिडिओमध्ये तो एका मुलीसोबत दिसत आहे.
टीम इंडियाचा 'लॉर्ड' नव्या इनिंगसाठी सज्ज, स्वतःच्या हळदीत झिंगाट गाण्यावर थिरकला शार्दूल
कोण आहे श्रेयसची पार्टनर

श्रेयससोबत या डान्स व्हिडिओमध्ये जी तरुणी आहे ती दुसरी तिसरी कोण नसून त्याची सख्खी बहीण श्रेष्ठा अय्यर आहे. श्रेष्ठाने तिच्या इंस्टाग्राम अकाऊंटवरून श्रेयस अय्यरला टॅग करत हा व्हिडीओ तिने शेअर केला आहे. हा व्हिडीओ शेअर करताना श्रेयसच्या बहिणीने कॅप्शनमध्ये लिहिले की, ''बेस्ट व्यक्तीसोबत ट्रेंडींग गाण्यावर केलेला डान्स''


श्रेयस आणि त्याची बहीण अनेकदा ट्रेंडिंग व्हिडीओ सोशल मीडियावर पोस्ट करत असतात. श्रेष्ठा हे व्हिडीओ तिच्या इंस्टाग्रामवर पोस्ट करत असते. श्रेयसची बहीण एक प्रोफेशनल डान्सर आणि कोरियोग्राफर आहे. तिच्या इंस्टाग्रामवर अनेक डान्स व्हिडीओ पाहायला मिळतात. अनेक इन्फ्लुएन्सरसोबतही ती व्हिडीओ बनवताना दिसते. तर सोबतच जेव्हा जेव्हा तिचा भाऊ श्रेयस अय्यर घरी असतो तेव्हा तेव्हा ती त्याचसोबत व्हिडीओ बनवून पोस्ट करत असते.

IND vs AUS: ऑस्ट्रेलियाच्या पचनी पडत नाहीये पराभव? तिसऱ्या कसोटीसाठी टीमच बदलली; असे आहेत बदल
तर श्रेयस अय्यरने आपल्या दमदार फलंदाजीमुळे टीम इंडियामध्ये आपले स्थान पक्के केले आहे. मध्यंतरी तो दुखापतीमुळे संघाबाहेर होता, तेव्हा संघातील मधल्या फलित त्याची उणीव भासली. आता तो पुन्हा संघात परतला असून बॉर्डर गावस्कर ट्रॉफीमधील तिसऱ्या कसोटी सामन्यात कशी कामगिरी करतो याकडे सर्वांचे लक्ष असेल.