चमकदार कामगिरीनंतर शुभमन गिलने केले मोठे वक्तव्य, द्रविडही ऐकून झाले चकित; पाहा VIDEO

इंदूर: श्रीलंकेपाठोपाठ न्यूझीलंडविरुद्धच्या वनडे मालिकेतही शुभमन गिलने चमकदार कामगिरी केली. या उजव्या हाताच्या सलामीवीराने सतत वनडे क्रिकेटमध्ये आपला फॉर्म दाखवून दिला आहे. न्यूझीलंड वनडे मालिकेत या खेळाडूने ३ सामन्यात ३६० धावा केल्या, त्याला मालिकावीराचा पुरस्कारही मिळाला. शुभमनने हैदराबादमध्ये द्विशतक केले आणि इंदूरमध्ये त्याच्या बॅटमधून शतक पाहायला मिळाले. मात्र असे असूनही या खेळाडूचे वडील लखविंदर सिंग यांना जास्त आनंद होणार नाही. शुभमन गिलने स्वतः राहुल द्रविडला ही गोष्ट सांगितली. गिलचे बोलणे ऐकून द्रविड यांचाही विश्वास बसेना.

बीसीसीआयने एक व्हिडिओ पोस्ट केला आहे, ज्यामध्ये शुभमन गिल आणि राहुल द्रविड संभाषण करत आहेत. यामध्ये राहुल द्रविड या युवा फलंदाजाला सांगतो की, 'शुभमन गिल ५०, ६० आणि ७० धावा करत होता, त्यानंतर त्याचे वडील म्हणाले की तू फक्त रिमझिम सरी दाखवत राहशील कि पाऊस आणि वादळही आणणार आहे. पण आता तुझे वडील खूश असतील कारण तू गेल्या एका महिन्यात चांगली कामगिरी केली आहेस आणि तू जोरदार पाऊस पाडण्यात यशस्वी झाला आहेस. यावर गिलचे उत्तर ऐकून द्रविड आश्चर्यचकित झाले.

वाचा: कसला कमबॅक? पत्रकार परिषदेत भडकला रोहित शर्मा, सत्य परिस्थिती सांगत केली

वडील फार आनंदी होणार नाहीत : गिल

इंदूरमधील वनडेत शतक झळकावल्यानंतर शुभमन गिल म्हणाला, 'मला वाटत नाही की वडील खूप आनंदी असतील. तो मला नक्कीच सांगतील की मी शतकानंतर मोठी खेळी खेळायला हवी होती. हे ऐकून राहुल द्रविड हसला आणि म्हणाले की तुझ्या वडिलांच्या अपेक्षा पूर्ण करणे खूप कठीण आहे.

पुढे काय म्हणाला गिल

शुभमन गिलने त्याच्या दमदार कामगिरीचे श्रेय संघाच्या त्याच्यावरील विश्वासाला दिले. गिलने राहुल द्रविडला सांगितले की, श्रीलंकेविरुद्धच्या एकदिवसीय मालिकेदरम्यान त्याला वाटत होते की, इशान किशनला संधी मिळेल कारण त्याने बांगलादेशमध्ये द्विशतक झळकावले होते पण संघ व्यवस्थापनाने, कोचने, रोहितने त्याला संधी दिली. यामुळे त्याला हिंमत मिळाली आणि तो अधिक मनमोकळेपणाने खेळला, असे गिल म्हणाला.

हेही वाचा: रोहित, गिल नव्हे तर हा खेळाडू ठरला भारताच्या विजयाचा खरा हिरो, सगळे त्याला म्हणतात 'जादूगार'!


वनडेमध्ये गिल बेस्ट

शुभमन गिलने गेल्या वर्षी ७० पेक्षा जास्त सरासरीने धावा केल्या होत्या आणि यावेळी तो वनडे फॉरमॅटमध्ये सर्वच बाबतीत अव्वल राहिला आहे. शुभमन गिलने यावर्षी खेळल्या गेलेल्या ६ सामन्यात ५६७ धावा केल्या आहेत. त्याची सरासरी ११३ पेक्षा जास्त आहे. या खेळाडूने यावर्षी ३ शतके आणि एक अर्धशतक झळकावले आहे. त्यातील एक द्विशतक आहे. गिलने न्यूझीलंडविरुद्धच्या पहिल्या सामन्यात २०८ धावा केल्या आणि द्विशतक झळकावणारा तो सर्वात तरुण खेळाडू ठरला.