VIDEO: सूर्याच्या बॅटमधून आला नवा शॉट! असा षटकार तुम्ही कधीच पाहिला नसेल

हॅमिल्टन: भारत आणि न्यूझीलंड यांच्यातील दुसरा एकदिवसीय सामना पावसामुळे रद्द करण्यात आला. या पावसामुळे कर्णधार शिखर धावांच्या नेतृत्वाखाली भारतीय संघाच्या मालिका विजयाच्या आशांवर पाणी फेरले आहे. आता मालिकेतील तिसरा आणि शेवटचा वनडे बुधवारी ३० नोव्हेंबर रोजी क्राइस्टचर्चमध्ये खेळवला जाईल. पहिला वनडे सामना न्यूझीलंडने जिंकला होता. तर रविवारी आकाशातून पाऊस बरसात होता आणि जमिनीवर सूर्यकुमार यादवची बॅट बरसत होती.

पावसामुळे दुसऱ्यांदा जेव्हा सामना थांबला, तेव्हा सूर्यकुमार यादव २५ चेंडूत तीन षटकार आणि दोन चौकारांच्या मदतीने ३४ धावांवर खेळत होता. यादरम्यान सूर्याच्या बॅटमधून एक अप्रतिम शॉट निघाला, जो लोक बघतच राहिले. तसे पाहता सूर्या नवनवीन शॉट्स खेळण्यासाठी ओळखला जातो. सूर्याने लागवलेले शानदार शॉट्स पाहणं ही क्रिकेटप्रेमींसाठी एक पर्वणीच आहे.

वाचा: फॉर्ममध्ये असूनही संजूला का दिली नाही संधी? कर्णधार शिखर धवनने अखेर कारण सांगितलच

पावसाने उशीर केलेल्या सामन्याची नाणेफेक जिंकून केन विल्यमसनने प्रथम गोलंदाजी करण्याचा निर्णय घेतला. ५ षटकांनंतर पाऊस पडला आणि जवळपास चार तास खेळ थांबवण्यात आला. पुन्हा सुरुवात झाली तेव्हा शिखर धवन बाद झाला आणि सूर्यकुमार यादव मैदानात उतरला.

सूर्यकुमारने येताच आपल्या अंदाजात फटकेबाजी सुरु केली. आपल्या ३४ धावांच्या खेळीत मिचेल सँटनर आणि मायकेल ब्रेसवेल, फर्ग्युसन सारख्या वेगवान गोलंदाजांच्या फिरकीवर षटकार ठोकून फटकेबाजी केली. मायकेल ब्रेसवेलच्या चेंडूवर खेळलेला षटकार सोशल मीडियावर हिट ठरला आहे. मैदानाच्या प्रत्येक कोपऱ्यात अंदाधुंद शॉट्स खेळणारा सूर्यकुमार यादव कधीच रिव्हर्स स्वीप मारताना दिसत नाही, पण यावेळी त्याने तेही दाखवून दिले. थर्ड मॅनवरून षटकारासाठी लोफ्टेड रिव्हर्स स्वीप शॉर्ट सूर्यानेलागला लगावला.

हेही वाचा: वर्ल्ड कपमधला पराभव जिव्हारी लागला, चाहत्यांकडून दगडफेक अन् जाळपोळ; दोन देश हाय अलर्टवर


वाचा: किंग कोहली क्रिकेटमधून निवृत्ती घेणार? विराटच्या त्या पोस्टमुळे चाहत्यांमध्ये खळबळ

रविवारी सामन्यात अनेकवेळा पाऊस पडला, त्यामुळे दोनदा सामना सुरु होऊनही फक्त १२.५ षटकांचा खेळला गेला. ज्यामध्ये भारताने एका विकेटवर ८९ धावा केल्या. दुसऱ्यांदा सामना थांबवण्यात आल्याने पुन्हा सुरू होऊ शकला नाही. सलामीवीर शुभमन गिल ४२ चेंडूत ४ चौकार आणि एका षटकारासह ४५ धावा केल्या होत्या.