Video: क्रिकेटमध्ये आलाय नवा शॉट; नाव आहे 'अफगान जलेबी'

मँचेस्टर : अफगाणिस्तानच्या टी-20 संघाचा कर्णधार आणि दिग्गज फिरकीपटू राशिद खान त्याच्या गोलंदाजीपेक्षा अलीकडे फलंदाजीमुळेच चर्चेत येत आहे. त्याच्या फलंदाजीत दिवसेंदिवस होत असलेली प्रगती कौतुकास्पद आहे. टी-20 ब्लास्टमध्ये त्याने ससेक्ससाठी पहिला सामना खेळला. यावेळी त्याची गोलंदाजीतील कामगिरी समाधानकारक झाली नव्हती. पण फलंदाजीला मैदानात उतरत त्याने काही अप्रतिम शॉट्स खेळले, त्याची चर्चा होत आहे.

वाचा- भारताविरुद्ध श्रीलंकेने उभी केली आव्हानात्मक धावसंख्या, अखेरच्या २ षटकात स्फोटक फलंदाजी

राशिदने 13 चेंडूत 26 धावांची तुफानी खेळी केली. यावेळी त्याने 4 चौकार आणि 1 षटकारही ठोकला. एम.एस.धोनीचा आयकॉनिक हेलिकॉप्टर शॉट सगळ्यांना माहित आहे. धोनीच्या निवृत्तीनंतर अनेकजण अशा प्रकारचा शॉट कधी पाहायला मिळेल, याची प्रतीक्षा करत असतात. पण राशिदने अशा क्रिकेट चाहत्यांची प्रतीक्षा जास्त काळ राहू दिली नाही. आपल्या 26 धावांच्या खेळीवेळी राशिदने एक असा शॉट मारला, ज्याची चर्चा होत आहे. स्वत: राशिदने आपल्या ट्विटर अकाउंटवरून हा व्हिडिओ शेअर केला आहे. या व्हिडिओवर अनेक नेटकरी प्रतिक्रिया नोंदवत आहेत.

वाचा- Video : क्रिकेटच्या इतिहासात अशी खिलाडूवृत्ती कोणीच दाखवली नाही

राशिदचा हा शॉट धोनीच्या हेलिकॉप्टर शॉटशी मिळताजुळता आहे. व्हिडिओ शेअर करताना राशिदने म्हटले आहे की, काही शॉट्स हे पुस्तकात नसतात, पण तुम्हाला ते खेळावे लागतात. कुणीतरी या शॉटला नाव सुचवा? यावर एका नेटकऱ्याने म्हटले आहे की, धोनीने हा शॉट पृथ्वीवर पोहोचवला तर राशिदने हा मंगळावर नेला आहे. तर दुसऱ्याने म्हटले आहे की हा अफगान जलेबी शॉट आहे. फलंदाजी करत असताना राशिदने थोडे मागे जात हा चेंडू टोलावला. हवेत उडालेला चेंडू सीमारेषेबाहेर गेला. पण ज्या पद्धतीने राशिदने हा चेंडू खेळला ते पाहणे खूप अविश्वसनीय वाटते.

वाचा- 'नॅशनल क्रश' झाली २५ वर्षांची; वनडेमध्ये द्विशतक करणारी पहिली भारतीय


वाचा- मैदानात पाऊल ठेवताच धवनचा विक्रम; मोडला ६२ वर्ष जुना रेकॉर्ड

टी-20 ब्लास्टनेही आपल्या सोशल मीडिया हँडलवरून व्हिडिओ शेअर करताना म्हटले आहे की, राशिद तुम्ही हा शॉट कसा काय सीमारेषेपार घालवला? या आश्चर्यकारक शॉटमुळे राशिदच्या खात्यात चार धावा जमा झाल्या. त्याच्या या तुफानी फलंदाजीमुळे ससेक्सने 183 धावांपर्यंत मजल मारली. पण प्रतिस्पर्धी संघाने हे लक्ष्य पूर्ण करत सामना जिंकला. गोलंदाजीत राशिदला काही कमाल करता आली नाही. त्याने 4 षटकात 41 धावांची खैरात उधळली. पण त्याला एकही विकेट घेता आली नाही.

वाचा- वाढदिवसाला या भारतीय क्रिकेटपटूला मिळाली करिअरमधील सर्वात मोठी संधी