इंग्लंडविरुद्ध दारुण पराभव, वर्ल्डकपमधील आव्हान संपुष्टात, तरीही टीम इंडिया मालामाल

मुंबई: टी-२० विश्वचषक स्पर्धेच्या उपांत्य फेरीत इंग्लंडकडून पराभूत झाल्यानं भारताचं स्पर्धेतील आव्हान संपुष्टात आलं. इंग्लंडनं १० गडी राखून विजय मिळवत भारताचा धुव्वा उडवला. भारतानं दिलेलं १६९ धावांचं आव्हान इंग्लंडनं अगदी लिलया पार केलं. भारतीय गोलंदाज पूर्णपणे निष्प्रभ ठरले. या पराभवामुळे भारतीय चाहत्यांना धक्का बसला. गेल्या ९ वर्षांत भारतीय संघाला आयसीसीच्या एकाही स्पर्धेचं जेतेपद पटकावता आलेलं नाही. अपयशाचा सिलसिला यंदाही कायम राहिला. भारताला हरवत इंग्लंडनं अंतिम फेरीत धडक दिली. येत्या रविवारी त्यांचा मुकाबला पाकिस्तानशी होईल.

उपांत्य फेरीतील मानहानीकारक पराभवानंतही भारताला बंपर बक्षीस मिळणार आहे. भारतीय संघानं उपांत्य फेरी गाठल्यानं त्यांना ४ लाख डॉलर मिळतील. सुपर १२ मध्ये भारतानं पाचपैकी चार सामने जिंकले. त्यासाठी टीम इंडियाला एक लाख साठ हजार डॉलर बक्षीस मिळेल. म्हणजेच भारताला टी-२० विश्वचषकातून एकूण ५ लाख ६० हजार डॉलर मिळणार आहेत. भारतीय चलनात ही रक्कम ४.५१ कोटी रुपये होते.
भारताला एक चूक प्रचंड महागात पडली; आता आकडेवारीच समोर आली; रोहित, द्रविड चूक मान्य करणार?
आयसीसीनं टी-२० विश्वचषक स्पर्धेच्या सुरुवातीला बक्षिसाची रक्कम जाहीर केली. टी-२० विश्वचषक स्पर्धेसाठी एकूण ५.६ मिलियन डॉलर (४५.१४ कोटी रुपये) इतकी रक्कम निश्चित करण्यात आली आहे. ही रक्कम १६ संघांमध्ये विविध स्वरुपात वाटली जाईल. चषक जिंकणाऱ्या संघाला १.६ मिलियन डॉलर (१२.८९ कोटी रुपये), उपविजेत्या संघाला ८ लाख मिलियन डॉलर (६.४४ कोटी रुपये) मिळतील. उपांत्य फेरीत पराभूत होणाऱ्या दोन संघांना प्रत्येकी ४-४ लाख डॉलर मिळणार आहेत.
सानिया मिर्झा-शोएब मलिकचा घटस्फोट निश्चित; पण एकमेव कारणामुळे अद्याप अधिकृत घोषणा नाही
सुपर-१२ मधून ४ संघांनी उपांत्य फेरी गाठली. सुपर-१२ मधून ८ संघ बाहेर गेले. त्यांनादेखील आयसीसीकडून बक्षीस देण्यात येईल. त्यांना ७० हजार डॉलर दिले जातील. गेल्या टी-२० विश्वचषक स्पर्धेत ही रक्कम ४० हजार डॉलर होती. पात्रता फेरीतून बाहेर पडलेल्या ४ संघांना ४० हजार डॉलर देण्यात येतील.