बुमराला पाठिची दुखापत होणार हे भाकित महान गोलंदाजाने वर्तवले होते, पाहा काय म्हटलं होतं

मुंबई : जसप्रीत बुमराला पाठिची दुखापत झाली आणि आता तो विश्वचषकात खेळू शकणार नसल्याचे आता समोर आले आहे. बुमराला ही दुखापत बुधवारी झाली होती. पण बुमराला पाठिची दुखापत होणार, हे भाकीत एका महान गोलंदाजांनी यापूर्वीच सांगितले होते.

पहिल्या ट्वेन्टी-२० सामन्यासाठी भारतीय संघ सराव करण्यात मग्न होता. त्यावेळी बुमराही नेट्समध्ये सराव करत होता. हा सराव करत असताना बुमराला दुखापत झाली. त्यानंतर बुमरा पहिल्या ट्वेन्टी-२० सामन्यात खेळणार नसल्याचे समोर आले. त्यामुळे बुमराच्या जागी दीपक चहरला संधी देण्यात आली. पण हे सर्व बुधवारी सुरु होते. पण या गोष्टीची पूर्व कल्पना वेस्ट इंडिजचे महान गोलंदाज मायकल होल्डिंग यांनी यापूर्वीच दिली होती.

मायकेल होल्डिंग यापूर्वी सांगितले होते की, " बुमराची गोलंदाजी शैली ही इतरांनापेक्षा भिन्न आहे. त्यामुळे त्याचे चेंडू कळत नाहीत. पण बुमराची गोलंदाजी शैली ही त्याच्यासाठी घातक ठरू शकते. कारण बुमरा जेव्हा गोलंदाजी करतो, तेव्हा त्याच्या पाठीवर जास्त ताण येतो. हे कोणत्याही गोलंदाजासाठी चांगले लक्षण नाही. त्याच्या या शैलीमुळे बुमराला पाठिच्या दुखण्याच्या जास्त त्रास होऊ शकतो. त्यामुळे त्याने गोलंदाजी करताना काही गोष्टी सांभाळून करायल्या हव्यात."

बुमराला नेमकं काय झालं आहे, जाणून घ्या...
पहिल्या ट्वेन्टी-२० सामन्यासाठी भारतीय संघ सराव करण्यात मग्न होता. त्यावेळी बुमराही नेट्समध्ये सराव करत होता. हा सराव करत असताना बुमराला दुखापत झाली. त्यानंतर बुमरा पहिल्या ट्वेन्टी-२० सामन्यात खेळणार नसल्याचे समोर आले. त्यामुळे बुमराच्या जागी दीपक चहरला संधी देण्यात आली. पण गुरुवारी बुमरा विश्वचषक खेळणार नसल्याचे आता समोर आले आहे.

स्ट्रेस फॅक्चर म्हणजे नेमकं असतं तरी काय...बुमराच्या पाठीमागे स्ट्रेस फॅक्चर झालं आहे. जेव्हा तुम्ही शरीराच्या एका भागावर जास्त ताण देता तेव्हा तुमच्या स्नायू किंवा हाडांना दुखापत होऊ शकते. त्यावेळी स्नायू किंवा हाडांना छोटं फ्रॅक्चर होऊ शकतं. त्यामुळे यासाठी शरीराच्या एकाच भागावर जास्त ताण पडू नये, याची काळजी घ्यायची असते.