पगार वाढ; करोना काळात मिळाली आनंदाची बातमी

नवी दिल्ली: भारतीय क्रिकेट नियामक मंडळ अर्थात बीसीसीआयने देशांतर्गत क्रिकेटपटूंच्या पगारात वाढ करण्याचा निर्णय घेतला आहे. बीसीसीआयचे सचिव जय शहा यांनी त्याच्या अधिकृत ट्विटवरून ही माहिती दिली.

वाचा- CSK विरुद्धच्या पराभवामुळे मुंबई इंडियन्सचे प्लेऑफचे टेन्शन वाढले; उर्वरित ६ लढतीत हवेत इतके विजय

देशांतर्गत क्रिकेट खेळणाऱ्या खेळाडूंपैकी ज्यांनी ४० पेक्षा अधिक सामने खेळले आहेत त्याची एका दिवसाची मॅच फी वाढवून ६० हजार रुपये इतकी केली आहे. याआधी या खेळाडूंना ३५ हजार रुपये मिळायचे. बीसीसीआयने खेळाडूंच्या पगारात २५ हजार इतकी वाढ केली आहे.

वाचा- मुंबई इंडियन्सवर मिळवलेल्या विजयानंतर जखमी खेळाडूंच्या बाबत आली मोठी अपडेट

या शिवाय २३ वर्षाखालील खेळाडूंना २५ हजार तर १९ वर्षाखालील खेळाडूंना २० हजार रुपये दिले जातील. जय शहा यांनी दिलेल्या माहितीनुसार २०१९-२० मध्ये देशांतर्गत क्रिकेटमध्ये भाग घेणाऱ्या क्रिकेटपटूंना करोना व्हायरसमुळे सामने खेळता आले नाहीत. या खेळाडूंना २०२०-२१ मध्ये स्थगित झालेल्या नुकसान भरपाईपोटी ५० टक्के अतिरिक्त मॅच फी दिली जाणार आहे.

वाचा- Video: कॅप्टन कुल मैदानावर भडकला; या खेळाडूवर काढला राग


वाचा- त्या एका ओव्हरने चेन्नईला किक मिळाली आणि मुंबई इंडियन्सने मॅच गमावली


करोना व्हायरसमुळे गेल्या वर्षी रणजी ट्रॉफी स्पर्धेचे आयोजन झाले नव्हते. रणजी ट्रॉफीच्या इतिहासात ही पहिलीच वेळ होती जेव्हा बीसीसीआयवर स्पर्धा रद्द करण्याची वेळ आली. ही स्पर्धा रद्द झाल्याने खेळाडूंची आर्थिक परिस्थिती खराब झाली होती.

वाचा- IPL च्या प्रसारणावर बंदी; म्हणे ही स्पर्धा इस्लामविरोधी

बीसीसीआयच्या सोमवारी झालेल्या एपेक्स काउंसिलच्या बैठकीत हा निर्णय घेतला गेला. बोर्डाने महिला क्रिकेटपटूंच्या मॅच फी मध्ये देखील वाढ केली आहे. महिला क्रिकेटपटूंना यापुढे प्रत्येक सामन्यांसाठी १२ हजार ५००च्या ऐवजी २० हजार रुपये दिले जाणार आहेत.