नवी दिल्ली : आयपीएलमध्ये नव्या संघांचा समावेश करण्याचा विचार करण्यासाठी कदाचित २०२१ पर्यंत वाट पाहावी लागू शकते. मात्र २०२० च्या आयपीएलमध्ये तीन नव्या मैदानांचा समावेश होऊ शकतो. लखनौ, गुवाहटी आणि तिरुवअनंतपुरम या तीन शहरांतील मैदाने आयपीएलमध्ये सहभागी करुन घेतली जाऊ शकतात. आठ आयपीएल फ्रँचायझींच्या मालकांनी मंगळवारी बीसीसीआयच्या मुख्यालयात नव्या पदाधिकाऱ्यांची भेट घेतली आणि चर्चाही केली.
वाचा : आयपीएल खेळाडूंचा लिलाव डिसेंबरमध्ये
बीसीसीआयमधील अधिकाऱ्याच्या मते, ‘किंग्ज इलेव्हन पंजाबला लखनौ हे आपलं दुसरं होमग्राऊंड बनवण्याची इच्छा आहे. तर राजस्थान रॉयल्सला अहमदाबादहून गुवाहटीला शिफ्ट व्हायचं आहे. तिरुवअनंतपुरम कुणाच्या वाट्याला येईल याबाबत कोणताही निर्णय झालेला नाही.’ गुवाहटीच्या मैदानाला हिरवा झेंडा दाखवण्याच्या अगोदर सर्व निकष लक्षात घेतले जातील आणि गव्हर्निंग कौन्सिल या निर्णयासाठी अनुकूल असल्याचीही माहिती आहे.
या अधिकाऱ्याच्या मते, ‘पंजाबला गेल्या मोसमापासूनच नवीन मैदानाचा शोध होता आणि त्यासाठी मागणीही केली होती. मात्र निवडणुकीमुळे त्यावर निर्णय होऊ शकला नाही. मात्र भारत विरुद्ध वेस्ट इंडिज सामन्यानंतर मैदानाचा जो निकाल समोर आला, त्यावरुन पंजाबला लखनौचं मैदान मिळण्याची दाट शक्यता आहे.’ पंजाबने मोहालीतील होमग्राऊंडसह इंदूरच्या मैदानातही आपले काही सामने खेळले आहेत.
वाचा : यंदाच्या IPL मध्ये अश्विन 'या' संघाकडून खेळणार
तिरुवअनंतपुरमच्या मैदानाबाबत भाष्य करणं हे घाईचं होईल, असंही बीसीसीआयच्या अधिकाऱ्याने सांगितलं. तिरुवअनंतपुरमच्या मैदानाचा फिडबॅक चांगला असून केरळच्या नागरिकांमध्येही खेळाबाबत उत्सुकता असल्याचं बीसीसीआयचं निरीक्षण आहे.
राजस्थानबाबतही या मोसमात निर्णय होऊ शकतो. या अधिकाऱ्याच्या मते, ‘नफ्यातील भागीदारीबाबत निर्णय अडकला होता. कारण, आपल्याकडून जास्त हिस्सा मागितला जात असल्याचं राजस्थान रॉयल्सचं मत होतं. तर गुवाहटीची आयपीएलमध्ये सहभागी होण्यासाठी पूर्ण तयारी होती.’
वाचा : ... तर IPL संघ लवकरच परदेशातही खेळणार?
दरम्यान, आयपीएल संघांनी आंतरराष्ट्रीय संघांसोबत मैत्रीपूर्ण सामने खेळावेत, असं म्हणणं मुंबई इंडियन्स, सनरायझर्स हैदराबाद, कोलकाता नाइट रायडर्स आणि दिल्ली कॅपिटल्ससह राजस्थान रॉयल्सचंही आहे. आयपीएल संघांना परदेशात सामने खेळण्याची परवानगी मिळू शकते. याबाबत गव्हर्निंग कौन्सिलच्या बैठकीत चर्चा झाली होती.
वाचा : आयपीएल खेळाडूंचा लिलाव डिसेंबरमध्ये
बीसीसीआयमधील अधिकाऱ्याच्या मते, ‘किंग्ज इलेव्हन पंजाबला लखनौ हे आपलं दुसरं होमग्राऊंड बनवण्याची इच्छा आहे. तर राजस्थान रॉयल्सला अहमदाबादहून गुवाहटीला शिफ्ट व्हायचं आहे. तिरुवअनंतपुरम कुणाच्या वाट्याला येईल याबाबत कोणताही निर्णय झालेला नाही.’ गुवाहटीच्या मैदानाला हिरवा झेंडा दाखवण्याच्या अगोदर सर्व निकष लक्षात घेतले जातील आणि गव्हर्निंग कौन्सिल या निर्णयासाठी अनुकूल असल्याचीही माहिती आहे.
या अधिकाऱ्याच्या मते, ‘पंजाबला गेल्या मोसमापासूनच नवीन मैदानाचा शोध होता आणि त्यासाठी मागणीही केली होती. मात्र निवडणुकीमुळे त्यावर निर्णय होऊ शकला नाही. मात्र भारत विरुद्ध वेस्ट इंडिज सामन्यानंतर मैदानाचा जो निकाल समोर आला, त्यावरुन पंजाबला लखनौचं मैदान मिळण्याची दाट शक्यता आहे.’ पंजाबने मोहालीतील होमग्राऊंडसह इंदूरच्या मैदानातही आपले काही सामने खेळले आहेत.
वाचा : यंदाच्या IPL मध्ये अश्विन 'या' संघाकडून खेळणार
तिरुवअनंतपुरमच्या मैदानाबाबत भाष्य करणं हे घाईचं होईल, असंही बीसीसीआयच्या अधिकाऱ्याने सांगितलं. तिरुवअनंतपुरमच्या मैदानाचा फिडबॅक चांगला असून केरळच्या नागरिकांमध्येही खेळाबाबत उत्सुकता असल्याचं बीसीसीआयचं निरीक्षण आहे.
राजस्थानबाबतही या मोसमात निर्णय होऊ शकतो. या अधिकाऱ्याच्या मते, ‘नफ्यातील भागीदारीबाबत निर्णय अडकला होता. कारण, आपल्याकडून जास्त हिस्सा मागितला जात असल्याचं राजस्थान रॉयल्सचं मत होतं. तर गुवाहटीची आयपीएलमध्ये सहभागी होण्यासाठी पूर्ण तयारी होती.’
वाचा : ... तर IPL संघ लवकरच परदेशातही खेळणार?
दरम्यान, आयपीएल संघांनी आंतरराष्ट्रीय संघांसोबत मैत्रीपूर्ण सामने खेळावेत, असं म्हणणं मुंबई इंडियन्स, सनरायझर्स हैदराबाद, कोलकाता नाइट रायडर्स आणि दिल्ली कॅपिटल्ससह राजस्थान रॉयल्सचंही आहे. आयपीएल संघांना परदेशात सामने खेळण्याची परवानगी मिळू शकते. याबाबत गव्हर्निंग कौन्सिलच्या बैठकीत चर्चा झाली होती.