शाळेत गणितात नापास होत असे विराट!

नवी दिल्ली:
भारतीय क्रिकेट संघाचा कर्णधार विराट कोहली बॅटने धावांचा डोंगर रचतो. सध्या तो जगातला सर्वोत्तम फलंदाज आहे. पण त्याला आजही एका गोष्टीचं दु:ख आहे, ते म्हणजे शाळेत असताना त्याचं गणित कच्चं होतं! तो गणितात नापास व्हायचा.

एका चॅट शोदरम्यान विराटने आपल्या मनातला हा सल बोलून दाखवला. शालेय जीवनात गणितात नापास होण्याचं मला आजही वाईट वाटतं, असं विराट म्हणाला. त्याला गणितात १०० पैकी तीन गुण मिळायचे, अशी माहितीही त्याने दिली. गणितातली किचकट आकडेवारी त्याला कधी जमली नाही. त्याला कायम हा प्रश्न पडायचा की मुळात गणित शिकवतातच का?

गणितात गती नसली तरी विराटला खेळात गती होती. खेळाचीच आवड आपल्या कामी आल्याचं त्याने प्रांजळपणे मान्य केलं.