केप टाऊन : विराट कोहली हा एक आक्रमक कर्णधार आहे आणि एकदा का त्याच्या पारा चढला तर कोणाशीही दोन हात करायला मागे-पुढे पाहत नाही. केपटाऊन कसोटीच्या दुसऱ्या दिवशी अशीच एक गोष्ट पाहायला मिळाली. विराट यावेळी चांगलाच भडकला होता आणि यावेळी तर तो मैदानातील पंचाबरोबर भिडल्याचे पाहायला मिळाले. विराटचा हा व्हिडीओ सध्याच्या घडीला चांगलाच व्हायरल झाला आहे. नेमकं घडलं तरी काय, पाहा...
भारताचा वेगवान गोलंदाज मोहम्मद शमी जेव्हा गोलंदाजी करत होता, तेव्हा ही गोष्ट घडली. शमीने चेंडू टाकला आणि तो दुसरा चेंडू टाकण्यासाठी परतत होता. त्यावेळी मैदानातील पंचांनी त्याला अडवले आणि त्याला एक वॉर्निंग दिली. शमीचा फाय हा खेळपट्टीवरील स्टम्पच्या भागांमध्ये पडत असून त्यामुळे पीचला धोका पोहोचू शकतो, असे पंचांचे म्हणणे होते. पंच जेव्हा शमीला वॉर्निंग देत होते, त्यानंतर तिथे कोहली आला आणि तो पंचांशी वाद घालायला लागला. शमीची काहीही चूक नाही, त्यामुळे त्याला वॉर्निंग का देत आहात, असे कोहलीचे म्हणणे होते. पण यावेळी मैदानातील पंच आपल्या निर्णयावर ठाम होते. त्यानंतर जेव्हा शमीच्या गोलंदाजीचा व्हिडीओ पाहण्यात आला तेव्हा शमीचे पाय चेंडू टाकल्यानंतर डेंजर झोनमध्ये पडत असल्याचे पाहायला मिळाले. त्यामुळे पंचांची गोष्ट बरोबर होती. पण दुसरीकड ही गोष्ट समजून न घेता कोहली हा पंचांशी वाद घालण्यासाठी गेल्याचे पाहायला मिळाले.
भारताच्या गोलंदाजांनी आज दमदार कामगिरी केली. मोहम्मद शमीने दोन महत्वाच्या फलंदाजांना बाद केले आणि दक्षिण आफ्रिकेला मोठे धक्का दिले. त्यामुळे शमीला वॉर्निंग मिळाल्यानंतर तो मुक्तपणे गोलंदाजी करू शकणार नाही, असे कोहलीला वाटले असावे. त्यामुळे कोहली पंचांशी वाद घालण्यासाठी यावेळी गेल्याचे पाहायला मिळाले. जर कोहलीने विनाकारण पंचांशी मैदानात वाद घातला असेल तर त्याला शिक्षा होऊ शकते. कारण सामनाधिकाऱ्यांनी जर या गोष्टीची चौकशी केली आणि विराट त्यामध्ये दोषी आढळला तर त्याच्यावर कारवाई होऊ शकते.
भारताचा वेगवान गोलंदाज मोहम्मद शमी जेव्हा गोलंदाजी करत होता, तेव्हा ही गोष्ट घडली. शमीने चेंडू टाकला आणि तो दुसरा चेंडू टाकण्यासाठी परतत होता. त्यावेळी मैदानातील पंचांनी त्याला अडवले आणि त्याला एक वॉर्निंग दिली. शमीचा फाय हा खेळपट्टीवरील स्टम्पच्या भागांमध्ये पडत असून त्यामुळे पीचला धोका पोहोचू शकतो, असे पंचांचे म्हणणे होते. पंच जेव्हा शमीला वॉर्निंग देत होते, त्यानंतर तिथे कोहली आला आणि तो पंचांशी वाद घालायला लागला. शमीची काहीही चूक नाही, त्यामुळे त्याला वॉर्निंग का देत आहात, असे कोहलीचे म्हणणे होते. पण यावेळी मैदानातील पंच आपल्या निर्णयावर ठाम होते. त्यानंतर जेव्हा शमीच्या गोलंदाजीचा व्हिडीओ पाहण्यात आला तेव्हा शमीचे पाय चेंडू टाकल्यानंतर डेंजर झोनमध्ये पडत असल्याचे पाहायला मिळाले. त्यामुळे पंचांची गोष्ट बरोबर होती. पण दुसरीकड ही गोष्ट समजून न घेता कोहली हा पंचांशी वाद घालण्यासाठी गेल्याचे पाहायला मिळाले.
भारताच्या गोलंदाजांनी आज दमदार कामगिरी केली. मोहम्मद शमीने दोन महत्वाच्या फलंदाजांना बाद केले आणि दक्षिण आफ्रिकेला मोठे धक्का दिले. त्यामुळे शमीला वॉर्निंग मिळाल्यानंतर तो मुक्तपणे गोलंदाजी करू शकणार नाही, असे कोहलीला वाटले असावे. त्यामुळे कोहली पंचांशी वाद घालण्यासाठी यावेळी गेल्याचे पाहायला मिळाले. जर कोहलीने विनाकारण पंचांशी मैदानात वाद घातला असेल तर त्याला शिक्षा होऊ शकते. कारण सामनाधिकाऱ्यांनी जर या गोष्टीची चौकशी केली आणि विराट त्यामध्ये दोषी आढळला तर त्याच्यावर कारवाई होऊ शकते.