IND vs SL: भारताच्या विजयानंतर ईशान-कोहलीला 'वेड' लागलं, भन्नाट डान्सचा VIDEO व्हायरल

कोलकाता: भारताने मिशन वनडे वर्ल्डकपची दणक्यात सुरुवात केली आहे. श्रीलंकेविरुद्ध ईडन गार्डन्सवर झालेल्या दुसऱ्या वनडे सामन्यात भारताने कोलकात्याचा ४ गडी राखून पराभव करत मालिकेत अभेद्य आघाडी घेतली. विजयानंतर इशान किशन आणि विराट कोहली यांनी स्टेडियममध्ये डान्स केला, ज्याचा व्हिडिओ सोशल मीडियावर व्हायरल होत आहे. याचसोबत भारताच्या विजयानंतर ईडन गार्डन्सवर लेझर लाईट शोदेखील करण्यात आला होता याचा व्हिडीओ सौरव गांगुली यांनी शेअर केला आहे.

श्रीलंकेने नाणेफेक जिंकून प्रथम फलंदाजीचा निर्णय घेतला. भारतासमोर २१६ धावांचे लक्ष्य होते, जे भारताने ४ गडी राखून पूर्ण केले. या सामन्यानंतर कोलकात्याच्या ईडन गार्डन्सवर लेझर लाइट शो झाला. यावेळी विजयाचा आनंद साजरा करत असलेल्या विराट कोहली आणि इशान किशन यांनी डान्स करायला सुरुवात केली. विराट कोहलीला डान्स करताना पाहून चाहत्यांनीही एकच जल्लोष केला आणि हा भन्नाट क्षण आपल्या कॅमेऱ्यात टिपला. या डान्सचा व्हिडीओ सोशल मीडियावर व्हायरल होत आहे, ज्यामध्ये कोहली आणि ईशान एकाच स्टेपवार थिरकताना दिसत आहेत.

वाचा: महाराष्ट्र केसरीच्या आखाड्यात 'दोस्तीत कुस्ती', जिवाभावाचे मित्र एकमेकांना भिडले



हेही वाचा: IND vs SL: अक्षरची अष्टपैलू कामगिरी कायम, चित्याच्या चपळाईने घेतला आश्चर्यकारक झेल; पाहा VIDEO

आसाममधील पहिला सामना भारताने जिंकला होता. कोलकात्यात विजय मिळवून भारताने मालिकेत २-० अशी अभेद्य आघाडी घेतली आहे. २१५ धावांच्या लक्ष्याचा पाठलाग करताना भारताची सुरुवात चांगली झाली नाही. रोहित शर्मा (१७) आणि शुभमन गिल (२१) स्वस्तात बाद झाले, विराट कोहली ४ धावा आणि त्यानंतर श्रेयस अय्यर २८ धावांवर पॅव्हेलियनमध्ये परतले. यानंतर आलेल्या लोकेश राहुलने डाव सांभाळत लक्ष्याच्या दिशेने संघाचा मोर्चा वळवला. राहुलने नाबाद ६४ धावा करत भारताला ४ विकेट्सने विजय मिळवून दिला.

वाचा: महाराष्ट्र कुस्ती स्पर्धेत मोठा उलटफेर, गतविजेत्या पृथ्वीराज पाटीलवर हर्षद कोकाटेचा दणदणीत विजय



सामन्यानंतर स्टेडियममध्ये लेझर लाइट शो झाला, याचा सुंदर नजारा बीसीसीआयचे माजी अध्यक्ष सौरव गांगुली यांनी शेअर केले. ईडन गार्डन्स हे एक प्रतिष्ठित स्टेडियम्सपैकी एक आहे. जिथे विश्वचषकापासून अनेक संस्मरणीय सामने झाले आहेत. १९९६ मध्ये या मैदानावर पहिला लेझर लाईट शो दाखवण्यात आला होता. आता मात्र याठिकाणी नवीन लाईट्स लावण्यात आले आहेत. क्रिकेट असोसिएशन ऑफ बंगालचे सचिव देबब्रत दास यांनी दुसऱ्या एकदिवसीय सामन्यात होणाऱ्या लेझर लाइट शोबद्दल सांगताना ते म्हणाले, हा लेझर लाईट शो पाहून चाहते खूप खुश होतील.