'वाढदिवसाच्या शुभेच्छा बिस्किट! तुझ्यावर खूप प्रेम आहे, नेहमीच माझा भाऊ राहशील'

पुणे : दक्षिण आफ्रिका आणि आयपीएलमधील रॉयल चॅलेंजर्स बंगळुरू क्रिकेट संघाचा माजी दिग्गज फलंदाज एबी डिव्हिलियर्स ()चा आज वाढदिवस. डिव्हिलियर्स गुरुवारी (१७ फेब्रुवारी) ३८ वर्षांचा झाला. अलीकडेच त्याने सर्व प्रकारच्या क्रिकेटमधून निवृत्ती घेतली होती. एबी डिव्हिलियर्सच्या वाढदिवसानिमित्त भारतीय संघाचा माजी कर्णधार आणि त्याचा आरसीबी संघ सहकारी विराट कोहलीने त्याला वाढदिवसाच्या हटक्या शुभेच्छा दिल्या आहेत.

वाचा- रोहित अंपायरला म्हणाला, वाइड कहां दे रहा है यार!; पहिल्या टी-२० मधील धम्माल व्हिडिओ

एबी डिव्हिलियर्स आणि विराट कोहली यांच्यात खूप घट्ट मैत्री आहे. दोन्ही खेळाडू आरसीबीसाठी अनेक वर्षे एकत्र खेळले आणि संघासाठी अनेक सामने जिंकले, पण आता या दोघांची ताटातूट झाली आहे. एबी डिव्हिलियर्सने सर्व प्रकारच्या क्रिकेटमधून निवृत्ती घेतली आहे. दुसरीकडे विराटनेही आरसीबीचे कर्णधारपद सोडले आहे.

वाचा- रोहितने घेतलेल्या कॅचला तोड नाही; पाहा व्हिडिओ



वाचा- पदार्पणातच रवी बिश्नोईने केली खास कामगिरी; ईशानच्या नावावर लाजिरवाणा विक्रम

विराट कोहलीने दिल्या वाढदिवसाच्या शुभेच्छा
आज एबी डिव्हिलियर्सचा वाढदिवस असून त्यानिमित्त विराट कोहलीने त्याला खास शुभेच्छा दिल्या आहेत. डिव्हिलियर्ससोबतचा फोटो शेअर करताना त्याने म्हटले आहे की, "वाढदिवसाच्या शुभेच्छा बिस्किट. तुझ्यावर खूप प्रेम आहे, नेहमीच माझा भाऊ राहशील."

वाचा- IPL लिलावातील अपमानाचा घेतला बदला; खेळाडूने फक्त ३ दिवसात केली कमाल



दक्षिण आफ्रिकेचा माजी फलंदाज एबी डिव्हिलियर्सने २ फेब्रुवारी २००५ रोजी इंग्लंडविरुद्ध आंतरराष्ट्रीय एकदिवसीय क्रिकेटमध्ये पदार्पण केले होते. त्याची आंतरराष्ट्रीय कारकीर्द चांगली होती. क्रिकेटच्या मर्यादित फॉरमॅटमध्ये डिव्हिलियर्स मैदानाच्या चारही दिशांना फटके मारण्यासाठी ओळखला जातो. या फलंदाजीच्या या अप्रतिम कौशल्यामुळे त्याला 'मिस्टर ३६०' म्हणूनही ओळखले जाते.

वाचा- लिलावात १० कोटी मिळालेल्या खेळाडूची ऋषभ पंतने माफी मागितली, जाणून घ्या कारण...

डिव्हिलियर्सने दक्षिण आफ्रिकेकडून १४ वर्षांहून अधिक काळ क्रिकेट खेळले आहे. मे २०१८ मध्ये त्याने आंतरराष्ट्रीय क्रिकेटमधून निवृत्ती घेतली. त्यानंतरही तो लीग क्रिकेट खेळत राहिला आणि आरसीबीसाठी आयपीएलमध्येही भाग घेतला, पण गेल्या वर्षी त्याने निवृत्ती जाहीर केली, पण असे असूनही त्याची फॅन फॉलोइंग कमी झालेली नाही.