नवी दिल्ली : विश्वचषकादरम्यान बीसीसीआयच्या निवड समितीतील काही सदस्यांना मी कर्णधार विराट कोहलीची पत्नी अनुष्का शर्माला चहा सर्व्ह करताना पाहिलं, असा दावा करून भारताचे माजी यष्टिरक्षक फारूख इंजिनीअर यांनी खळबळ उडवून दिली असताना अनुष्का शर्माने ट्विटरवर एक विस्तृत पोस्ट लिहून आपल्यावरील सर्व आरोपांना उत्तर दिलं आहे.
'भारतीय क्रिकेट नियामक मंडळाची सध्याची निवड समिती 'मिकी माउस' निवड समिती आहे. सध्या संघनिवडीचं काम विराटच करतो आणि निवड समितीचे सदस्य विराटची पत्नी अनुष्काला चहा सर्व्ह करण्याचे काम करतात', अशा शब्दांत फारूख इंजिनीअर यांनी तोफ डागली होती. यावर अनुष्काने तीव्र शब्दांत नाराजी व्यक्त केली आहे.
खोट्या आणि कपोलकल्पित बातम्यांकडे मी नेहमीच दुर्लक्ष करत आले आहे. मात्र, आता हे सगळं सहन करण्यापलीकडे गेलं आहे. मी मौन बाळगल्यास माझ्याबाबत जे वारंवार खोटं बोललं जात आहे, ते लोकांना खरं वाटू लागेल. म्हणूनच मी या सर्वावर माझं म्हणणं मांडत आहे, असे नमूद करत अनुष्काने लग्नाआधीच्या आणि नंतरच्या चर्चेतल्या सर्व घटनांवर आपली बाजू मांडली आहे.
'मी चहा नाही, कॉफी पिते' असे नमूद करत निवड समिती सदस्यांनी चहा आणून दिल्याचा आरोप तिने फेटाळून लावला. विश्वचषकादरम्यान एकाच सामन्याला मी उपस्थित होते आणि सीलेक्टर बॉक्समध्ये नव्हे तर फॅमिली बॉक्समध्ये बसले होते, असे अनुष्काने स्पष्ट केले. कुणाला निवड समितीच्या पात्रतेबाबत आक्षेप असेल तर त्यांनी त्यावर निश्चितच बोलावं मात्र अशा विषयांत कृपा करून माझे नाव ओढू नये, असे अनुष्काने बजावले.
'वर्ल्डकप दौऱ्यात सिलेक्टर्स अनुष्काला चहा देत होते'
विराट आता माझा पती आहे पण तो बॉयफ्रेण्ड असतानापासून मला विनाकारण लक्ष्य केलं जात आहे. तो चांगला खेळला नाही तरीही मला दोष दिला जायचा. संघाच्या बैठकीत माझा सहभाग असतो. निवड प्रक्रियेत मी हस्तक्षेप करते, असे अनेक आरोप मला झेलावे लागले. विराटसोबतच्या विदेश दौऱ्यांवरूनही माझ्यावर टीका करण्यात आली मात्र याची पडताळणी केल्यास मी कधीच नियमभंग केलेला नाही, हे तुम्हाला दिसून येईल, असे अनुष्काने पुढे नमूद केले. आपल्या विस्तृत पोस्टमध्ये अनुष्काने सगळ्याच मुद्द्यांवर स्पष्टीकरण दिले आहे. सामन्याचे तिकीट आणि विमान प्रवासाचा खर्च मी स्वत: करत असताना त्याबाबतही धादांत खोट्या बातम्या देण्यात आल्या. उच्चायुक्तांसोबत भारतीय संघाच्या ग्रुप फोटोतील सहभागावरूनही माझ्यावर टीका करण्यात आली. मात्र प्रत्यक्षात मी स्वत:हून तिथे गेले नव्हते. मला रितसर आमंत्रण असल्यानेच मी त्या इव्हेंटला गेले होते, असे अनुष्काने स्पष्ट केले.
अनुष्का माझ्या मुलीसमान: फारूख इंजिनिअर
अनुष्का शर्मा आणि निवड समिती सदस्यांबाबत केलेल्या विधानावर वादळ उठल्यानंतर फारूख इंजिनिअर यांनी घुमजाव केले असून अनुष्का माझ्या मुलीसमान आहे व माझ्या विधानाचा चुकीचा अर्थ काढण्यात आल्याचे त्यांनी नमूद केले आहे.
वाचा: करीना कपूर करणार टी-२० वर्ल्डकप चषकांचं अनावरण
'भारतीय क्रिकेट नियामक मंडळाची सध्याची निवड समिती 'मिकी माउस' निवड समिती आहे. सध्या संघनिवडीचं काम विराटच करतो आणि निवड समितीचे सदस्य विराटची पत्नी अनुष्काला चहा सर्व्ह करण्याचे काम करतात', अशा शब्दांत फारूख इंजिनीअर यांनी तोफ डागली होती. यावर अनुष्काने तीव्र शब्दांत नाराजी व्यक्त केली आहे.
खोट्या आणि कपोलकल्पित बातम्यांकडे मी नेहमीच दुर्लक्ष करत आले आहे. मात्र, आता हे सगळं सहन करण्यापलीकडे गेलं आहे. मी मौन बाळगल्यास माझ्याबाबत जे वारंवार खोटं बोललं जात आहे, ते लोकांना खरं वाटू लागेल. म्हणूनच मी या सर्वावर माझं म्हणणं मांडत आहे, असे नमूद करत अनुष्काने लग्नाआधीच्या आणि नंतरच्या चर्चेतल्या सर्व घटनांवर आपली बाजू मांडली आहे.
'मी चहा नाही, कॉफी पिते' असे नमूद करत निवड समिती सदस्यांनी चहा आणून दिल्याचा आरोप तिने फेटाळून लावला. विश्वचषकादरम्यान एकाच सामन्याला मी उपस्थित होते आणि सीलेक्टर बॉक्समध्ये नव्हे तर फॅमिली बॉक्समध्ये बसले होते, असे अनुष्काने स्पष्ट केले. कुणाला निवड समितीच्या पात्रतेबाबत आक्षेप असेल तर त्यांनी त्यावर निश्चितच बोलावं मात्र अशा विषयांत कृपा करून माझे नाव ओढू नये, असे अनुष्काने बजावले.
'वर्ल्डकप दौऱ्यात सिलेक्टर्स अनुष्काला चहा देत होते'
विराट आता माझा पती आहे पण तो बॉयफ्रेण्ड असतानापासून मला विनाकारण लक्ष्य केलं जात आहे. तो चांगला खेळला नाही तरीही मला दोष दिला जायचा. संघाच्या बैठकीत माझा सहभाग असतो. निवड प्रक्रियेत मी हस्तक्षेप करते, असे अनेक आरोप मला झेलावे लागले. विराटसोबतच्या विदेश दौऱ्यांवरूनही माझ्यावर टीका करण्यात आली मात्र याची पडताळणी केल्यास मी कधीच नियमभंग केलेला नाही, हे तुम्हाला दिसून येईल, असे अनुष्काने पुढे नमूद केले. आपल्या विस्तृत पोस्टमध्ये अनुष्काने सगळ्याच मुद्द्यांवर स्पष्टीकरण दिले आहे. सामन्याचे तिकीट आणि विमान प्रवासाचा खर्च मी स्वत: करत असताना त्याबाबतही धादांत खोट्या बातम्या देण्यात आल्या. उच्चायुक्तांसोबत भारतीय संघाच्या ग्रुप फोटोतील सहभागावरूनही माझ्यावर टीका करण्यात आली. मात्र प्रत्यक्षात मी स्वत:हून तिथे गेले नव्हते. मला रितसर आमंत्रण असल्यानेच मी त्या इव्हेंटला गेले होते, असे अनुष्काने स्पष्ट केले.
अनुष्का माझ्या मुलीसमान: फारूख इंजिनिअर
अनुष्का शर्मा आणि निवड समिती सदस्यांबाबत केलेल्या विधानावर वादळ उठल्यानंतर फारूख इंजिनिअर यांनी घुमजाव केले असून अनुष्का माझ्या मुलीसमान आहे व माझ्या विधानाचा चुकीचा अर्थ काढण्यात आल्याचे त्यांनी नमूद केले आहे.
वाचा: करीना कपूर करणार टी-२० वर्ल्डकप चषकांचं अनावरण