लक्ष्मण होऊ शकतात भारताचे आशिया चषकासाठी प्रशिक्षक, फक्त ही एकच आहे मोठी अडचण...

दुबई : राहुल द्रविड यांना करोना झाल्यावर आशिया चषकात भारताचे प्रशिक्षक कोण असतील, याची चाचपणी सुरु झाली आहे. पण आता आशियाच चषक स्पर्धेसाठी व्हीव्हीएस लक्ष्मण हे भारातचे प्रशिक्षक होऊ शकतात, असे समोर येत आहे. पण त्यांना प्रशिक्षक करण्यात एक सर्वात मोठी अडचण असल्याचे आता समोर आले आहे.

लक्ष्मण हे आयर्लंड आणि झिम्बाब्वेच्या दौऱ्यावर भारताचे प्रशिक्षक होते. त्यामुळे द्रविड यांच्या अनुपस्थितीत लक्ष्मण हा पहिला पर्याय बीसीसीआयपुढे असेल. लक्ष्मण हे भारताच्या संघाबरोबर काही काळ आहेत. त्यामुळे खेळाडूंबरोबर त्यांचा चांगला समन्वय आहे. त्यामुळे लक्ष्मण हा बीसीसीआयपुढे प्रशिक्षकपदासाठी पहिला पर्याय असून शकतो. पण यावेळी एक मोठी अडचण बीसीसीआयसमोर आली आहे. ही अडचण म्हणजे लक्ष्मण यांच्याकडे मोठ्या स्पर्धेत भारताचे प्रशिक्षक भूषवण्याचा अनुभव नाही. आतापर्यंत ज्या दोन्ही दौऱ्यांवर लक्ष्मण यांना पाठवण्यात आले आहे, ते दोन्हीही संघ क्रिकेट विश्वात दुबळे समजले जातात. भारतानेही या दोन्ही दौऱ्यांत प्रतिस्पर्धी संघांवर सहज मात केल्याचे पाहायला मिळाले आहे. पण आशिया चषकात मात्र तसे नक्कीच नसेल. कारण भारताचा पहिलाच सामना हा पारंपरिक प्रतिस्पर्धी पाकिस्तानबरोबर होणार आहे. त्याचबरोबर या स्पर्धेत दिग्गज संघही आहेत. त्याचबरोबर लक्ष्मण यांना भारतीय प्रशिक्षकपदाचा जास्त अनुभव नाही. त्यामुळे ही गोष्ट लक्ष्मण यांच्या मार्गात अडसर ठरू शकते. त्यामुळे आता द्रविडच्या जागी प्रशिक्षकपदी कोणाची निवड करायची, हा प्रश्न बीसीसीआयला पडला असेल.

वाचा-राहुल द्रविड यांना करोना झाल्यावर कोण होणार भारताचे प्रशिक्षक, जाणून घ्या हे तीन

द्रविड यांच्याबरोबरचे सहाय्यक प्रशिक्षक पारस म्हाम्ब्रे आता भारतीय संघाचे प्रभारी प्रशिक्षक असतील. भारतीय संघ द्रविड यांच्याविना युएईला दाखल झाला आहे. द्रविड यांना करोना झाल्यामुळे ते अजूनही भारतात आहेत. दुसरीकडे नवीन प्रशिक्षकांची निवड करायची की नाही, याबाबत अजूनही बीसीसीआय विचार करत आहे. व्हीव्हीएस लक्ष्मण हे भारताचे प्रशिक्षक होऊ शकतात, असे म्हटले जात आहे. पण याबाबत निर्णय झालेला नाही. त्यामुळे द्रविड यांच्याबाबत बीसीसीआयची पुढची अपडेट कधी देते, याकडे सर्वांचे लक्ष लागलेले असेल.