कोण आहे रयाल बर्ल? फक्त १८ चेंडूत जगजेत्या ऑस्ट्रेलियाचा अहंकार मोडला

टाउन्सविले: भारतीय क्रिकेट चाहत्यांचे लक्ष सध्या आशिया कप स्पर्धेवर आहे. जागतिक क्रिकेटमध्ये याशिवायही सामने सुरू आहेत, अशाच एका सामन्यात एका धक्कादायक विजयाची नोंद झाली आहे. शनिवारी झालेल्या तिसऱ्या वनडे सामन्यात झिम्बाब्वेने ऑस्ट्रेलियाचा (ZIM vs AUS) पराभव केला. ऑस्ट्रेलियाच्या मैदानावर त्यांचा पराभव करण्याची झिम्बाब्वेची ही पहिलीच वेळ आहे. तर एकूणात हा त्यांचा ऑस्ट्रेलियावरील तिसरा विजय ठरला.

टाउन्सविले येथे झालेल्या सामन्यात ऑस्ट्रेलियाचा डाव फक्त १४१ धावा संपुष्ठात आला. झिम्बाब्वेने विजयाचे लक्ष्य ११ ओव्हर आणि ३ विकेट राखून पार केले. या सामन्यात झिम्बाब्वेचा फिरकीपटू रयाल बर्ल(Ryan Burl)ने अशी गोलंदाजी केली ज्यामुळे ऑस्ट्रेलियाची दाणादाण उडाली. रयालची गोलंदाजी इतकी घातक होती की त्याच्या समोर ऑस्ट्रेलियाचा एकही फलंदाज टीकला नाही. रयालने फक्त ३ षटके गोलंदाजी केली आणि १० धावा देत ५ विकेट घेतल्या.

वाचा-क्रिकेटच्या इतिहासातील ऐतिहासिक दिवस; वर्ल्डकपच्या आधी झिम्बाब्वेने ऑस्ट्रेलियाची झोप उडवली


रयालच्या गोलंदाजीवर ग्लेन मॅक्सवेल, एश्टन एगर, डेव्हिड वॉर्नर, मिचेल स्टार्क, जोश हेजलवुड हे बाद झाले. २८ वर्षीय रायनच्या फिरकीसमोर ऑस्ट्रेलियाचे काहीच चालले नाही. यामुळे ३१ षटकात ऑस्ट्रेलियाचा डाव संपला. त्यांच्या फक्त दोन फलंदाजांना दुहेरी धावसंख्या करता आली. विशेष म्हणजे १४१ पैकी ९६ धावा एकट्या डेव्हिड वॉर्नरने केल्या.

वाचा-रोहित शर्माबद्दल असं बोलण्याची पाकिस्तानची हिम्मत कशी झाली; पाहा काय बरळला हफीज

झिम्बाब्वेविरुद्ध ऑस्ट्रेलियाने पहिल्या दोन मॅच जिंकून मालिका खिशात घातील होती. असे असले तरी त्यांनी दुय्यम संघ मैदानात उतरवला नव्हता. तरी देखील ऑस्ट्रेलियाची अशी अवस्था झाली. झिम्बाब्वने विजयाचे लक्ष्य ३९व्या षटकात ७ विकेटच्या बदल्यात पार केले.

ट्विटमुळे चर्चेत आला होता

२२ मे २०२१ रोजी झिम्बाब्वेच्या एका क्रिकेटपटूने ट्विट केले होते. ज्याची चर्चा संपूर्ण जगभर झाली होती. या ट्विटमध्ये म्हटले होते की, कोणतीही शक्यता आहे का आम्हाला स्पॉन्सर मिळण्याची जेणेकरून प्रत्येक मालिकेनंतर आम्हाला बुट चिकटवण्यासाठी ग्लू ची गरज लागणा नाही. या ट्विट सोबत एक फोटो देखील शेअर केला होता ज्यात काही बुट चिकटवण्यात येत होते.

वाचा- कोण आहे वाजमा अयूबी? इतकी सुंदर दिसते की मॅच सोडून सर्वजण तिलाच पाहत होते



संबंधित ट्विट रयाल बर्लने केले होते. कारण झिम्बाब्वे क्रिकेटपटूंकडे इतके पैसे नव्हेते की ते प्रत्येक मालिकेनंतर नवा बुट घेतील. एकाच बुटाने वारंवार खेळून त्यांची अवस्था आता खराब झाली आहे असे रयालने म्हटले होते. त्याचे हे ट्वटी जोरदार व्हायरल झाले होते. १५ महिन्यानंतर त्याच रयालने ऑस्ट्रेलियात आजवर न झालेली कामगिरी करून दाखवली. गेल्या महिन्या रयाल चर्चेत आला होता. तेव्हा बांगलादेशविरुद्धच्या टी-२० मालिकेत एका ओव्हरमध्ये त्याला ५ षटकार आणि ४ चौकार मारण्यात आला होता.

रयालच्या या ट्विटनंतर जगप्रसिद्ध puma कंपनीने झिम्बाब्वेच्या क्रिकेट संघाला बुट दिले होते.