'लेडी सेहवाग' शफाली वर्माचा वर्ल्ड रेकॉर्ड

मेलबर्न: पहिल्या चेंडूपासून गोलंदाजावर तुटून पडणाऱ्या भारताची लेडी सेहवाग अर्थात शफाली वर्मालाने पुन्हा एकदा धमाकेदार कामगिरी केली. न्यूझीलंडविरुद्ध झालेल्या साखळी फेरीतील सामन्यात शफालीने ४६ धावा केल्या. तिने ३४ चेंडूत ३ षटकार आणि ४ चौकार ४६ धावा केल्या. शफालीच्या या खेळीने एका वर्ल्ड रेकॉर्डची नोंद झाली आहे.

वाचा- टी-२० वर्ल्ड कप: भारतीय महिला संघाची हॅटट्रिक; न्यूझीलंडवर मिळवला विजय!

भारताच्या १६ वर्षीय शफालीने महिला टी-२० क्रिकेटमध्ये वेगाने धावा करण्याचा विक्रम केला. महिला टी-२० मध्ये शफालीचा सर्वाधिक स्ट्राईक रेट आहे. तिने १४७.९७च्या सरासरीने ४३८ धावा केल्या आहेत. आंतरराष्ट्रीय महिला टी-२० क्रिकेटमध्ये कोणत्याही फलंदाजाने आतापर्यंत इतक्या वेगाने धावा केल्या नाहीत.

वाचा- ग्लेन मॅक्सवेल भारतीय वंशाच्या मुलीच्या प्रेमात!

या स्पर्धेत शफालीने पहिल्या सामन्यात ऑस्ट्रेलियाविरुद्ध १५ चेंडूत ५ चौकार आणि १ षटकारासह २९ धावा केल्या. त्यानंतर बांगलादेशविरुद्धच्या सामन्यात १७ चेंडूत २ चौकार आणि ४ षटकारांसह ३९ तर आता न्यूझीलंडविरुद्ध ४६ धावांची खेळी केली. स्पर्धेत सर्वाधिक षटकार मारणाऱ्या फलंदाजांच्या यादीत ती अव्वल स्थानावर आहे. शफालीने तीन सामन्यात ६६ चेंडूत ११४ धावा केल्या आहेत.

वनडेत एका डावात घेतल्या १० विकेट; पाहा Video

महिला टी-२० मध्ये सर्वाधिक स्ट्राइक रेट (कमीत कमी ४०० धावा)

शफाली वर्मा- १४७.९७ स्ट्राइक रेटने ४३८ धावा

क्लोई ट्रायॉन- १३८.३१ स्ट्राइक रेटने ७२२ धावा

एलिसा हेली- १२९.६६ स्ट्राइक रेटने १,८७५ धावा

Video: षटकार पाहून युझर्स म्हणाले, लेडी सेहवाग!