वर्ल्ड टेस्ट चॅम्पियनशिपमध्ये विजेते संघ होणार मालामाल, ICC कडून कोट्यवधी रुपयांच्या बक्षिसांची घोषणा

नवी दिल्ली: लंडनमधील ओव्हल येथे ७ जूनपासून भारत आणि ऑस्ट्रेलिया यांच्यातील जागतिक कसोटीच्या चॅम्पियनशिप स्पर्धेतील अंतिम सामना खेळवला जाणार आहे. यासाठी विजेत्या संघाच्या बक्षिसाची रक्कम जाहीर करण्यात आली आहे. विजेत्याला १३ कोटींहून अधिक बक्षीस म्हणून रक्कम मिळेल. जागतिक कसोटी चॅम्पियनशिपचे विजेते होण्यासाठी अनेक संघ एकमेकांविरुद्ध खेळले. ७ जूनपासून भारत आणि ऑस्ट्रेलियाचे संघ लंडनमधील ओव्हल येथे कसोटी चॅम्पियनशिपचे विजेतेपद मिळवण्यासाठी आमनेसामने येतील.

ICC ने जाहीर केले की ३१ कोटींहून अधिक बक्षीस रक्कम ९ संघांमध्ये वाटली जाईल. हे असे संघ आहेत ज्यांनी २०२१-२३ दरम्यान जागतिक कसोटी चॅम्पियनशिप अंतर्गत खेळल्या गेलेल्या सामन्यांमध्ये भाग घेतला होता.


जिथे ICC जागतिक कसोटी चॅम्पियनशिप २०२३ (ICC World Test Championship 2023) च्या विजेत्याला १.६ दशलक्ष डॉलर (रु. १३ कोटींपेक्षा जास्त रक्कम) मिळेल. त्याच वेळी, उपविजेत्याला ८ लाख डॉलर (रु. ६.५ कोटी) मिळतील. आंतरराष्ट्रीय क्रिकेट परिषदेने (ICC) सांगितले की, WTC च्या बक्षीस रकमेत कोणताही बदल करण्यात आलेला नाही. WTC च्या २०१९-२१ सीझनमध्ये जी बक्षीस रक्कम होती तीच यावेळी देखील आहे, त्यात कोणतीही वाढ झालेली दिसत नाही.

२०२१ मध्ये साउथॅम्प्टनमध्ये झालेल्या WTC च्या अंतिम सामन्यात न्यूझीलंड आणि भारताच्या सामन्यावर परिणाम झाला, त्यामुळे सामन्याचा निकाल सहाव्या दिवशी लागला. तेव्हा न्यूझीलंड संघाने WTC फायनलमध्ये ८ गडी राखून विजय मिळवला होता.

फायनलसाठी टीम इंडियाची घोषणा पूर्वीच

टीम इंडियाचा माजी कर्णधार विराट कोहली आणि ते इतर काही खेळाडू इंग्लंडला पोहोचले आहेत, ज्यांचे संघ आयपीएलमधून बाहेर पडले आहेत. दुसरीकडे, जे संघ अद्याप विजेतेपदाचे दावेदार आहेत, त्या संघातील खेळाडू २९ मे रोजी मैदानात उतरतील. २८ मे रोजी आयपीएलची फायनल होणार असून त्यानंतर ३० मे रोजी संपूर्ण भारतीय संघ इंग्लंडमध्ये असेल. दरम्यान, बीसीसीआयने फायनलसाठी आधीच टीम इंडियाची घोषणा केली होती, मात्र त्यानंतर बदल करण्यात आला होता. केएल राहुलला दुखापत झाली असून त्याच्या जागी इशान किशनचा संघात समावेश करण्यात आला आहे. मात्र, उर्वरित संघ तसाच राहणार आहे.

वर्ल्ड टेस्ट चॅम्पियनशिपच्या अंतिम फेरीसाठी टीम इंडिया:

रोहित शर्मा (कर्णधार), शुभमन गिल, चेतेश्वर पुजारा, विराट कोहली, अजिंक्य रहाणे, इशान किशन, केएस भरत (विकेटकिपर), आर अश्विन, रवींद्र जडेजा, अक्षर पटेल, शार्दुल ठाकूर, मोहम्मद शमी, मोहम्मद सिराज, उमेश यादव, जयदेव उनाडकट.


कोणाला किती रक्कम मिळणार

विजेता: १३.२३ कोटी
उपविजेता: ६.६१ कोटी
दक्षिण आफ्रिका: ३५ कोटी
इंग्लंड: २८ कोटी
श्रीलंका: १६ कोटी
न्यूझीलंड: ८२ लाख
पाकिस्तान : ८२ लाख
वेस्ट इंडिज : ८२ लाख
बांगलादेश : ८२ लाख